Amazwibela Archives | Umbele ePublication

Amazwibela Digest Izindaba

Ikhomishini ichithe iVodacom ngeMaziv

August 10, 2023

IKHOMISHINI yokuNcintisana isichithile isicelo sokuthi iVodacom ithenge iMaziv, ebiyaziwa ngeNewco.

Amazwibela Digest Izindaba

KUQOKWE uMnu u-Ebrahim Essop ukuthi abe yiphini le-Pension Funds Adjudicator.

July 31, 2023

Uzophatha lesi sikhundla iminyaka emithathu kusuka mhla ka-1 ku-Agasti.

Amazwibela Digest Izindaba

ENYE yezinhlangano eziklelisa indlela amazwe abukwa ngayo uma efuna ukuboleka imali, iFitch ithe ngeke iyiguqule indlela eklelise iNingizimu Afrika ngayo yize kodwa ithe ilindele ukuthi ungakhuli nhlobo umnotho wezwe.

July 18, 2023

I-Fitch ithe iNingizimu Afrika isazokleliswa esigabeni uBB-, okusho ukuthi umhlaba ubuka Ningizimu Afrika njengezwe elizinzile. Ithe ukukhula komnotho kukhinyabezwa wukucinywa kukagesi, amazinga aphezulu okungalingani, inkebenkebe yesikweletu sikahulumeni esiwuR4.3 trillion.

Amazwibela Digest Izindaba

NGOLWESINE iBhange loMbuso lizomemezela isinqumo esisha ngemalimboleko kanti osomnotho abaningi babheke ukuthi izonyuswa okokugcina kuleli sonto njengoba sekulindelwe ukuthi iqale yehle emhlanganweni olandelayo.

July 18, 2023

Kusukela ngoNovemba wango-2021 iBhange loMbuso belilokhu linyusa imalimboleko, okuyiyona ndlela eliyisebenzisa kakhulu ukunqanda ukukhuphuka kokwehla kwamandla emali. Osomnotho baseFNB bathe balindele ukuthi imalimboleko inyuke ngo-25 basis points kuleli sonto. Isinqumo … Read More

Amazwibela Digest

KUFANELE ohulumeni batshengise ukuthi bazimisele ngempela ukulwa nesihlava sokuthi kube khona intela ephunyukayo ngenxa yabantu abadayisa izinto isinyenyela nabadayisa izimpahla zomgunyathi. Usho kanje uNgqongqoshe wezeziMali uMnu u-Enoch Godongwana ngesikhathi ethula inkulumo kwi-13th Africa Initiative Meeting eKapa izolo.

July 7, 2023

Lona wumhlangano wabaqoqintela, izinhlangano zakwamanye amazwe nongoti balo mkhakha ababhunga kuwo ngezindaba ezithinta ukuphatha intela. “I-African Union Commission yalinganisa ukuthi imali engeniswa ngezimpahla ezidayiswa ngokungemthetho iphakathi kuka-EUR48 billion no-EUR77 billion … Read More

Amazwibela Digest

USIHLALO omusha webhodi lePembury Lifestyle Group uMnu uSiyabonga Zwane usesulile kulesi sikhundla emva kwezinsuku eziyisithupha ethathe izintambo. Le nkampani enezikole ezizimele nezindawo zokuhlala izaguga ibikade isanda kushintsha usihlalo emva kokusula kukaDkt uMandla Lamba obephethe lesi sikhundla.

July 7, 2023

Isikhulu esiphezulu uNks uCordelia Sachiti naso siyashiya ekupheleni kuka-Agasti. Elinye ilungu lebhodi elisulile wuNks uMasego Motloba. Sekuneminyaka kunemibiko yokuthi izinto azihambi kahle kule nkampani njengoba kwake kwavela nokuthi kunezikole ezimbili … Read More

Amazwibela Digest Izindaba

INKANTOLO isichithile isicelo seSakeliga ebifuna ukuphoqa umcwaningimabhuku-jikelele ukuthi adedele imininingwane yamabhuku omasipala abawu-154 ebizwa ngama-management report.

July 7, 2023

Le nhlangano engenzi inzuzo yayifake lesi sicelo isebenzisa umthetho ogqugquzela ukuthi kutholakale ulwazi, i-Promotion of Access to Information Act.

Amazwibela Digest Izindaba

I-Shoprite iqinise ibhodi yayo ngoMaseko noMathebula. INTATHELI YOMBELE iyabika

June 29, 2023

INKAMPANI edayisa ukudla iShoprite imemezele ukuthi isiqoke uMnu uSipho Maseko noSolwazi uHlengani Mathebula njengamalungu amasha ebhodi yawo kusukela ngoLwesibili.

Amazwibela Digest

I-Allan Gray yandise amasheya ayo kwaSpar, isinamasheya awu-10.42% esuka ku-3.55%.

June 9, 2023

Amazwibela Digest

I-COMPETITION Tribunal isiphasisile isicelo seClicks sokuthenga onke amasheya eSorbet ngoR105 million. Imibandela nemigomo ebekiwe ithi kufanele kwandiswe isibalo sabantu abamnyama abangabanikazi balama-salon, kwandiswe imikhiqizo yeSorbet ekhiqizwa eNingizimu Afrika futhi kuqeqeshwe izisebenzi zale nkampani. Kusukela ngo-2015, iClicks ibinamasheya awu-25% eSorbet.

June 9, 2023

Amazwibela Digest

UNGQONGQOSHE wezeziMali uMnu u-Enoch Godongwana usichithile isicelo sokuthi i-Eskom ivunyelwe ukungavezi embikweni wayo wezimali ukuthi ingakanani imali ethathwa ngokuthi ichithiwe futhi isebenze ngendlela engafanele. UGodongwana wenze lesi sinqumo emva kokubonisana nomcwaningimabhuku-jikelele nokubheka ukuphawula kwabantu abawu-56 abathumele imibono.

June 9, 2023

Amazwibela Digest

IBHANGE loMbuso limemezele izolo ukuthi linyuse imalimboleko ngo-50 basis points yafinyelela ku-8.25%. Imali amabhange asezoyikhokhisa abathengi uma ewaboleka imali isiwu-11.75%.

May 26, 2023

Amazwibela Digest

IBHANGE loMbuso linyuse imalimboleko ngo-50 basis points, yafinyelela ku-7.75% kusukela namhlanje. Leli bhange lithe lokhu kungenxa yokunyuka kokwehla kwamandla emali okuqongile ngoFebhuwari njengoba kufinyelele ku-7.0%. Ithe nezinye izimo ezimise kabi umnotho zisaqhubeka.

March 31, 2023

Amazwibela Digest

I-DURBAN Container Terminal esechwebeni laseThekwini ifeze izivumelwano ezingaphezu kuka-90% kwenazo namakhasimende azo ngoFebhuwari kanti amaloli abethatha okungenani imizuzu ephakathi kwewu-55 newu-66 ukuqeda umsebenzi. Le nkampani inezinyanga izama ukunciphisa ukubambezeleka kwezimpahla okwaqala ngo-Okthoba ngonyaka odlule ngenkathi izisebenzi zaseTransnet zitelekile.

March 17, 2023

Amazwibela Digest

ISIKHWAMA sempesheni sezisebenzi zikahulumeni iGovernment Employees Pension Fund sizonyusa impesheni ngo-5.55% kusukela ngenyanga ezayo. Ngokomthetho kufanele le mali inyuke okungenani ngo-75% wenani lamandla emali ngonyaka odlule, obekungu-7.40% ngo-2022.

March 17, 2023

Amazwibela

Ezinye zezinkampani ezichicilele imibiko yezimali yiStandard Bank neSanlam.

March 10, 2023

Amazwibela

UMNOTHO weNingizimu Afrika wehle ngo-1.3% ngekota yesine yango-2022. Izimboni ezibe nesandla kakhulu kuloku ezemali, ezokuhweba, izimayini, ezolimo, ezokukhiqiza nemisebenzi kahulumeni.

March 10, 2023

Amazwibela

KUKHUTHAZWA abantu ukuthi baphawule ngesimemezelo esenziwe wumNyango weziMboni, ukuHweba nokuNcintisana esichicilelwe kuleli sonto esigunyaza izinkampani ezisembonini kagesi ukuthi zingayilandeli eminye imithetho yokuncintisana ukuze zibambisane ukulwa nenkinga yokushoda kukagesi njengoba izwe libuswa ngaphansi komthetho wezinhlekelele.

March 10, 2023

Amazwibela

UNGQONGQOSHE wezeziMali uMnu u-Enoch Godongwana uhlangane noNgqongqoshe wezeziMali waseMelika uNks uJanet Yellen ePitoli ngoLwesine. Phakathi kwezinto ababhunge ngazo yisimo somnotho emhlabeni, imigomo yokugqugquzela abatshalimali nokuqinisa ubudlelwano phakathi kweMelika neNingizimu Afrika. IMelika ingenye yamazwe amakhulu ahwebelana neNingizimu Afrika. Ongqongqoshe baxoxe nangohlelo lokweseka iNingizimu Afrika ukuqala ukusebenzisa ugesi ongaphehlwa ngamalahle iJust Energy Transition, iMelika ingelinye lamazwe eleseka lolu hlelo ngo$1 billion.

January 27, 2023

Amazwibela

IBHANGE loMbuso liqhubekile nokunyusa imalimboleko. Izolo limemezele ukuthi izonyuka ngo-25 basis points ibe wu-7.25% kusukela namhlanje. Leli bhange lithe izinto ezithwalisa umnotho kanzima zisaqhubeka. Lithe selilindele ukuthi umnotho ukhule ngo-1.6% kulo nyaka, esikhundleni sika-1.9%.

January 27, 2023

Amazwibela

IKHOMISHINI yokuNcintisana isiphakamise ukuthi iCompetition Tribunal ishushise izinkampani ezimbili ezazidayisa izimpahla zokuzivikela kwiCOVID-19 ngezinsolo zokuxoxisana ngamanani, isenzo esiphambene nomthetho wokuncintisana. Le khomishini ithi iMedmart Health neBabyBug bavumelana ngendlela abazonquma ngayo amanani ezifonyo futhi bahlukaniselana amakhasimende. Kuthiwa lezi zinkampani zahlangana ngoDisemba wango-2020 zavumelana ukuthi zizodayisa iphakethe lezifonyo eziwu-50 ngemali ephakathi kukaR79 noR90.

January 27, 2023

Amazwibela

USULILE esikhundleni sokuba yisikhulu sokugcina imithetho, phecelezi i-company secretary, eDiscovery uNks uNomalanga Nobuhle Mbongo. Uzogcina kulesi sikhundla ekupheleni kwangoMashi.

January 27, 2023

Amazwibela

UNKS uSilindile Kubheka useqokwe waba wusihlalo we-Ombud Council, kwathi uNks uLebohang Senne waqokwa ukuba yilungu lebhodi yabaqondisi iminyaka emithathu. Bazoqala kusukela mhla ka-1 ngoFebhuwari. UNks uKubheka uyinhloko yeGroup Finance: Governance and Risk Compliance eTransnet, kanti uNks uSenne yi-chartered accountant emnkantshubomvu kanti uyiphini likasihlalo weFinancial Reporting Standards Council Board.

January 20, 2023

Amazwibela

USOLWAZI uTshilidzi Marwala usulile ebhodini labaqondisi laseNedbank njengoba esezoba wumphathi weNyuvesi yeNhlangano yeZizwe. Uzogcina kuleli bhodi ekupheleni kukaFebhuwari.

January 20, 2023

Amazwibela

SITHATHA umhlalaphansi isikhulu esiphezulu saseSpar uMnu uBrett Botten ekupheleni kwenyanga. Ezinye izinguquko ezizobakhona ebhodini lale nkampani wukuthi uDkt uPhumla Mnganga noMnu uGraham O’Connor nabo bazoshiya. UDkt uShirley Anne Zinn noMnu uPedro Manual baqokwe ukuthi babengabaqondisi abasha bebhodi.

January 20, 2023

Amazwibela

I-TELKOM ayisaqhubeki nezingxoxo nenkampani iRain. NgoSepthemba wango-2022 lezi zinkampani zamemezela ukuthi ziyaxoxisana emva kokuthi iRain icele ukuthi iTelkom iyithenge. Esimemezelweni saleli sonto zombili lezi zinkampani zobuchwepheshe zithi ngeke kulunge ukuthi ziqhubeke nokudayiselana okwamanje.

January 13, 2023

Amazwibela

UNGQONGQOSHE wezokuThutha uMnu uFikile Mbalula umemezele ibhodi labaqondisi elisha leSANRAL elizophatha iminyaka emithathu. Abaphinde baqokwa oMnu uThemba Mhambi (usihlalo), uRobert Haswell, uThamsanqa Matosa, u-Errol Makhubela noChris Hlabisa. Abasha ngoNks uRefilwe Buthelezi noNoluphumzo Noxaka. UMnu uReginald Demana, isikhulu esiphezulu, uzoqhubeka kwibhodi.

January 13, 2023

#ays_noscript{ display:flex !important; } html{ pointer-events: none; user-select: none; }

Podcasts

Inqolobane

About us

Declaration

Sithinte

We are social