Ezokuvakasha ziphathiswe abantu abanamava

YINTATHELI YOMBELE 

KUQOKWE owayewundunankulu waKwaZulu-Natali uMnu uSbu Ndebele ukuthi abewusihlalo weKZN Tourism and Film Authority esanda kusungulwa.  

UNdebele wake wawungqongqoshe womNyango wezokuThutha nowokuHlumelelisa iziMilo ezweni lonke ngaphambi kokuyoba yinxusa leNingizimu Afrika e-Australia nase-India.

FUNDA NALAPHA: https://www.umbele.co.za/2024/07/25/i-kzn-izogadla-ngezokuvakasha-namafilimu/

Uthe imisebenzi yokuletha izinguquko kwezamafilimu nezokuvakasha izotshengisa ukuzibophezela kukahulumeni ekuletheni ushintsho okuzokhombisa nezinto eziseqhulwini kuHulumeni woBumbano. 

FUNDA LAPHA: https://www.umbele.co.za/2024/04/25/ezokuvakasha-zinamandla-okusimamisa-umnotho-umahlalela/

Uphakamise izinto ezimbalwa okukhona kuzo ukusebenzisa ukunotha komlando ukugqugquzela ezokuvakasha usebenzisa ezemidlalo kwaZulu nokushintsha iCoedmore Castle eYellowwood Park, eThekwini, ibe ngenye yezinto ezizosetshenziswa ukudoba izivakashi nokuthuthukisa intsha.

Amanye amalungu ebhodi yiphini likasihlalo uNks uRung Button, uNks uDiana Hoorzuk, uDkt uBandile Mkhize, uDkt uNomusa Zethu Qunto, uNks uBunny Bhoola, uNks uSphume Dlungwane, uNks uSamantha Croft, uNks uZinhle Sokhela, uMnu uMpume Sidaki noMnu uSandile Magoso.