Category: Ezinohlonze

PHEZU kwemizamo emihle yemeya kaMasipala waseTshwane uNksz uNasiphi Moyo yokuletha uguquko oluhle kulo masipala kodwa kulo nyaka wezimali umasipala uthole umbiko womcwaningimabhuku-jikelele omubi okhombisa ukuthi imali iyamoseka. 

IMIFELANDAWONYE yolimo inamandla okuqeda indlala nokudala imisebenzi ezindaweni zasemakhaya.

UMBIKO womGcinimafa nomqoqintela iSouth African Revenue Service (iSars) uveza ukuthi intela eqoqiwe kunyaka wezimali wango-2024/25 inyuke ngo-6,9%, yabawuR2.3 trillion.

KULINDELWE izivakashi eziwu-1.3 million ngala maholidi eThekwini. Lezi zindaba zimenyezelwe ngenkathi kuthulwa ngokusemthethweni izinhlelo zamaholidi asehlobo ngoLwesihlanu eWahooz e-uShaka Marine, eThekwini, KwaZulu-Natali.

UMENGAMELI uCyril Ramaphosa uthi  owowayewukhomishana womqoqintela iSouth African Revenue Service (iSars) uMnu u-Oupa Magashula, oshonile, uzokhunjulwa ngokuzinikela kwakhe ekusebenzeleni abantu baseNingizimu Afrika.

NJENGOBA ukucima kukagesi obekukhungethe iNingizimu Afrika sekuthanda ukuphela ngenxa yezinguquko ezinhle ezenzeka e-Eskom, amabhizinisi amancane, nawumgogodla womnotho, abuyelwa yithemba nomfutho.

I-ESKOM izishaya isifuba ngokubuyisa ibhodi ebiphelelwe yisikhathi kule nkampani kahulumeni ephehla ugesi. 

IZIBALO ezintsha zeStatistics South Africa zikhombisa ukuthi umnotho waseNingizimu Afrika ukhule ngo-0,5% ngekota yesithathu, okuyisikhathi esisukela kuJulayi kuze kubewuSepthemba.

NGEMVA kokuthi umGcinimafa ekhiphe uR2.2 billion ozokhokha imali yabantu, imali yamakhasimende ebivaleke eThala izoqala ukuphuma ngoMsombuluko. 

UNGQONGQOSHE womNyango wokuThuthukisa umNotho, ukuVakasha neMvelo KwaZulu-Natali uMfu uMusa Zondi uthi balindele izivakashi eziphakathi kuka-1 million no-1.1m ezivela kwezinye izifundazwe zaseNingizimu Afrika neziwu-34 000 ezivela kwamanye amazwe ngala maholidi kaDisemba.

UKUFUYA izinkomo nezinkukhu kungenisa uhhafu womcebo waseNingizimu Afrika embonini yezolimo ngokusho kwezazi zale mboni.

IZIMALI zabantu ebezivaleleke eThala kusukela kuqala unyaka zizophuma maduze.

ININGIZIMU Afrika yenze uR15.6 billion owengeziwe ngokuhwebelana namanye amazwe ngo-Okthoba. Loku kuvele ezibalweni ezintsha zohwebo ezikhishwa yiSouth African Revenue Service.

IZIBALO zesikhashana ezibheka umphumela omuhle weG20 emnothweni waseGauteng, zikhomba ukuthi ingenise uR1 billion.

NGEMVA kokubuthana kwabaholi bamazwe omhlaba nabatshalimali eNingizimu Afrika engqungqutheleni yeG20 ebiseNasrec, eGoli, eGauteng, Umbele uxoxe nabantu ukuzwa ukuthi isho ukuthini kubona. 

OSOMABHIZINISI abasafufusa bazokwabelana ngoR1.2 billion ngemva kokuthi i-Absa neHeineken besungule isikhwama sokubasiza.

UMQOQINTELA iSouth African Revenue Service (iSars) uthule ngokusemthethweni isigcawu esizoqinisa ubudlelwano nosomabhizinisi bezimboni ezinkulu ezikhokha intela eningi.

UKUGUQUGUQUKA kwesimo sezulu nezikweletu ezikhula njalo zamazwe aneminotho emincane kuseqhulwini lwesivumelwano esisayinwe ngamazwe engqungqutheleni yeG20 ebiseNasrec, eGoli, eGauteng ngempelasonto. 

IZIMPAHLA ezithunyelwa yiDube Cargo Terminal zinyuke ngo-7% ngalo nyaka kunezathunyelwa ngodlule. 

ABANTU baseNingizimu Afrika bazobanoKhisimusi omnandi emva kokuthi amalungu eBhange lomBuso athatha izinqumo ngemalimboleko evote ngo-elethu ukuthi yehle ngo-25 basis points.

NAKUBA iHhovisi lomCwaningimabhuku-Jikelele lingakhokhisi kakhulu ngokucwaninga amabhuku omasipala, akahulumeni wezwe, owezifundazwe nezinkampani zIkahulumeni kodwa kuvela ukuthi likweletwa uR1,338 billion. 

SIZOPHELA isiminyaminya esidalwa ngamaloli emigwaqweni yaseNingizimu Afrika njengoba iTransnet Engineering isizikhiqizela amaguzu eThekwini, KwaZulu-Natali.

UKWEHLA kwesikali samandla emali sisuka phakathi kwango-3% kuya ku-6% kusho ukuthi iBhange lomBuso lizokwenza isimemezelo ngemalimboleko ngoLwesine ngaphansi kwemigomo emisha.

SEKUZOBALULA kumakhasimende aseFNB nosomabhizinisi abancane ukuthumela imali kwamanye amazwe ngemva kokuthi leli bhange lithule indlela yokukwenza lokhu ebizwa ngeGlobba.

KUPHELILE ukuxhashazwa kwezinkampani zaseNingizimu Afrika yizinkampani zobuchwepheshe okubalwa iGoogle, iYouTube nezinye emva kokuthi ikhomishi eyengamele ukuncintisana okuhle iCompetition Commission inqume ukuthi lezi zinkampani kufanele zikhokhe.

ZIPHUCUKILE izinto enkampanini yezitimela kahulumeni iPassenger Rail Agency South Africa (iPrasa), njengoba izitimela sezihambe izikhawu eziwu-1116 million kulo nyaka wezimali uma kuqhathaniswa nokuhamba kawu-11.8m ezawuhamba ngonyaka wezimali wango-2022/23. 

IDINGA izisombululo ezintsha imboni yamaloli ukuze yenze inzuzo njengoba kuvele ukuthi u-55% wemali eyenziwa ngabanikazi bawo iya kwizinsizakusebenza.

UPHIKO oluqapha ukusebenza kwamabhange ngaphansi kweBhange lomBuso iPrudential Authority (iPA) luhlawulise iDiscovery Bank uR3 million ngokungalandeli imithetho ye-Financial Intelligence Centre Act isigaba 38 sango-2001 (se-FIC Act).

UNGQONGQOSHE womNyango weziMali uMnu u-Enoch Godongwana ukuqedile ukuqagela ngesilinganiso esisha samandla emali njengoba esebalwa ngo-3%. 

IYAQHUBEKA nokulahleka imali esikhwameni esinxephezela abantu balimele ezingozini zomgwaqo iRoad Accident Fund (iRAF) njengoba umbiko womcwaningimabhuku-jikelele uveze ukuthi sishoda ngoR2.3 billion, okusho ukuthi imali ekhona nezimpahla zaso ayilingani nemali edingeka ukwenza umsebenzi.

NJENGOBA kusasa ungqongqoshe womNyango weziMali uMnu u-Enoch Godongwana ethula iSabelomali saphakathi nonyaka i-Medium-term Budget Policy Statement,  kulindeleke ukuthi aqinisekise ukuthi uhulumeni uyaqhubeka nokonga imali yize kusenenkinga yesikweletu sezwe esikhulu. 

IBHODI yesikhwama esisiza abantu abalimele ezingozini zomgwaqo iRoad Accident Fund (iRAF) isimise izikhulu ezine emsebenzini ngenkathi isaphenya ngokuphatha izimali.

I-SOUTH African Revenue Service (iSars) ithi izoqhubeka necala layo lokufuna inhlawulo ewuR5.3 billion eSasfin Bank eyisola ngokuphula umthetho wentela, njengoba ithi leli bhange lavumela abakhokhintela ukuthi bahambise imali yabo kwamanye amazwe ngaphandle kokulandela umthetho olawula loku.

INKAMPANI yamabhanoyi i-Emirates isaqhubeka nokuhamba phambili emhlabeni njengoba ingenise inzuzo ewu-AED 12.2 billion (uR62.2bn) emalini esiyenzile ngohhafu walo nyaka. 

NAKUBA izikhwama zempesheni zenze imikhankaso yokuchazela abantu ngokunyula ebhodweni imali yempesheni kodwa iphini lomXazululi weziNkinga zeMpesheni uMnu uNaheem Essop lithi kusenabantu abangaqondi kahle.

INHLANGANO yosomabhizinisi yaseThekwini iKwaZulu-Natali,  iDurban Chamber of Commerce and Industry ikhathazekile ngokwanda kwezimpahla zomkokotelo ezingena eNingizimu Afrika. 

KULOKOZA inhlansi yethemba ngokudaleka kwemisebenzi eNingizimu Afrika emva kokuthi iBusiness Process Enabling South Africa (iBPESA) iveze ukuthi kudaleke amathuba emisebenzi ewu-8 180 embonini ye-global business services (iGBS). 

UMLAWULI wemboni yezimali iFinancial Sector Conduct Authority (iFSCA) uxwayisa abantu ukuthi baqaphele uma besebenzisana neForex Major.

UKUPHUMA kweNingizimu Afrika ohlwini iFinancial Action Task Force (iFATF) efaka amazwe athathwa njengangenamithetho eqinile yokulwa nokushushumbisa imali nokuxhasa izinhlangano zabashokobezi i-grey list yisiqalo somsebenzi wokuqinisa izinhlaka zomthetho eNingizimu Afrika.

USIHLALO we-African Rainbow Minerals uMnu uPatrice Motsepe uthe iNingizimu Afrika idinga imigomo ebheka ukukhula komnotho nenhlalakahle yabantu futhi ineqhaza emnothweni kodwa loku yinto okufanele uhulumeni uyenze ngokubambisana namabhizinisi. 

ABAKHOKHINTELA ababanjelwa intela emiholweni bayakhunjuzwa ukuthi umnqamulajuqu wokubika kumqoqiwentela eNingizimu Afrika iSouth African Revenue Service (iSars) imininingwane yemali abayiholile ngonyaka wezimali u-2024/25 wuMsombuluko ozayo. 

KUFANELE kubhekwe nxazonke ngaphambi kokunquma ukuthi amandla emali afanele ukubakuliphi izinga ezweni ngoba akuselona iqiniso ukuthi ukubaphansi kwamandla emali kuholela ekukhuleni komnotho. 

ISIMINYAMINYA esisechwebeni yaseThekwini asisagcini nje ngokubambezela ukusebenza kodwa sesiqala ukuwisa amabhizinisi nabalimi asafufusa abadayisa kwamanye amazwe.

ISIBALO sabagibeli nemali engeniswa yinkampani yamabhanoyi i-Emirates sekungaphezu kwezibalo zale nkampani yamabhanoyi ngaphambi kwe-Covid-19, kanti iNingizimu Afrika inesandla esikhulu kuloku. 

IMBONI esebenza ngendwangu yaseNingizimu Afrika ibhekene nempi engakaze iyicabange evela ezitolo zobuchwepheshe ezidayisa izingubo ezinjengeShein, i-AliExpress neTemu.

NJENGOBA imboni yezimoto eNingizimu Afrika ibhekene nengcindezi ngenxa yoguquko ezimakethe ebihweba kuzo, iSA Auto Week 2025 yinkundla efanele yokuza namasu okuyisiza.

IZIBALO ezintsha zeSouth African Revenue Service (iSars) zikhombisa ukuthi iNingizimu Afrika ikwaze ukungenisa uR4.0 billion owengeziwe emva kokudayisa izimpahla zikaR171.3bn kwamanye amazwe ngenyanga edlule.

UMPHATHI weBhange lomBuso uMnu uLesetja Kganyago uxwayise ngobungozi bokuxegisa imithetho elawula izimali njengoba ekhala ngokwanda kwezikweletu zamazwe, ukuguquka kwesimo sezulu nama-crypto currency. 

ISIKHWAMA sempesheni semboni yezinsimbi  iMetal Industries Provident Fund siyayelelwe yiphini lomXazululi wezinKinga zemPesheni uMnu uNaheem Essop ukuthi sikhokhele umndeni wesisebenzi esashona imali yaso yempesheni efanele. 

UMKHANDLU omele osomatekisi eNingizimu Afrika iSouth African National Taxi Council (iSantaco) ukhumbuza ukuthi bafake izicelo zokusizwa ngemali kwiTaxi Relief Fund (iTRF). 

NAKUBA amandla emali esuke ku-3.5% ngoJulayi, aya ku-3.3% ngo-Agasti kodwa iBhange lomBuso alizange liyehlise imalimboleko izolo. 

UZOKWEHLA umthwalo emahlombe abathengi njengoba amanani okudla ehlile, okufakazelwa wukwehla kwamandla emali esuka ku-3.5% ngoJulayi aya ku-3.3% ngo-Agasti. 

UKWANDA kobuchwepheshe kusho ukushintsha kwendlela abantu abenza izinto ngayo.

IKHOMISHINI yamalungelo abathengi iNational Consumer Commission (iNCC) ithi isibikelwe ukuthi kunamaJeep Wrangler namaChrysler 300C okufanele abuyiselwe emagaraji.

KUNXUSWA abashayeli bamaFord Ranger Wildtrack, amaTremor namaPlatinum ango-2025 nawango-2026 ukuthi bawabuyisele emagaragi. 

INHLANGANO emele osomabhizinisi abamnyama iBlack Business Council (iBBC) isinxuse uhulumeni ukuthi ungawamukeli umbiko weB20 ohlanganiswe yiBain neMcKinsey, izinkampani ezimbili ethi zibandakanyeka ekugwamandeni amandla ombuso okucekele phansi umnotho wezwe nezinye izinhlaka zikahulumeni.  

UMNOTHO waseNingizimu Afrika ukhuphuke ngo-0.8% ngekota yesibili yango-2025. Izibalo ezikhishwe yiStatistics South Africa izolo ziveze ukuthi izimboni ezibe nesandla esikhulu kulokhu ngezokukhiqiza, izimayini nezohwebo kanti nabathengi balekelelile njengoba inyukile kancane indlela abathenge ngayo. 

ZIKHWELE kuMnu uThabani Ndwandwe oqokwe ukuthi abeyisikhulu esibheka ingozi i-Group chief risk officer eStandard Bank, isikhundla abesiphethe ophikweni lwaleli bhange eNingizimu Afrika kuphela. 

ZIJIKILE izinto enkampanini kahulumeni elawula ukusebenza kwamachweba namaguzu athutha izimpahla, njengoba isingenisa imali.

EMVA kokuphelelwa yisikhathi ngoJuni kwebhodi yeLand and Agricultural Development Bank, eyaziwa ngeLand Bank, ungqongqoshe womNyango weziMali uMnu u-Enoch Godongwana usanda kumemezela entsha. 

INHLANGANO ekhulumela osomabhizinisi eThekwini iDurban Chamber of Commerce and Industry ithi kufanele basheshe baziswe abantu uma kuzobanesiteleka samatekisi ngoba siphazamisa umphakathi namabhizinisi. 

KUBUKEKA luzoqala maduze uhlelo lokwehlisa izinga lamandla emali iBhange lomBuso elikala ngawo ukuthi kufanele linyuse imalimboleko noma liyehlise. 

I-WESBANK, uphiko oluboleka abantu imali yokuthenga izimoto eFNB, seluqoke uMnu uRobert Gwerengwe ukuthi abeyisikhulu esisha. 

IZIBALO ezintsha zohwebo zikhombisa ukuthi iNingizimu Afrika ingenise uR20.3 billion ngokuhwebelana namanye amazwe kuzekubenguJulayi. 

IBHIZINISI lokuthutha izimpahla ngamabhayisikili KwaLanga, eNtsholanga Kapa, iCloudy Deliveries liwine umklomelo owuR200 000 obuyingxenye kaR500 000 obubangwa wosomabhizinisi kwiKasi SME Summit yalo nyaka. 

EMVA kokubona ukuthi baningi abaqashi abangayifaki imali yezisebenzi zabo ezikhwameni zempesheni ezifanele yize beyidonsa emholweni yabo, ungqongqoshe womNyango wemiSebenzi uthi ufuna ukushintsha umthetho wezisebenzi ukuze abahloli bakwazi ukuphoqa abaqashi ukukhokha le mali.

ZIYAQINA izinhlelo zokuqinisekisa ukuthi imali kahulumeni iya kubantu abaswele ngempela njengoba inhlangano ekhokha izibonelelo iSouth African Social Security Agency (iSassa) imemezele ukuthi bazogingqa izithupha, bathathe nezithombe abahlomuli ekuqaleni kwangoSepthemba. 

UNGQONGQOSHE womNyango weziMali uMnu u-Enoch Godongwana umise emsebenzini isikhulu esiphezulu sesikhungo esengameli impesheni yezisebenzi zikahulumeni iGovernment Pensions Administration Agency (iGPAA). 

UKUNGENZI kahle kwebhange eliwumfelandawonye laseNorth West iDotsobotla Primary Savings and Credit Co-operative Bank kuholele ekutheni iBhange lomBuso lifake isicelo sokuthi lihlakazwe. 

INKAMPANI kahulumeni ephethe ukusebenza kwezikhumulo zamabhanoyi i-Airports Company South Africa (i-Acsa) iqhubekile nokungenisa inzuzo njengoba ibike ukuthi ingenise inzuzo kaR1.1billion. 

I-NATIONAL Consumer Commission (iNCC) isicele abathengi ukuthi babuyisele emagaraji ezinye izimoto ukuze zihlolwe umkhuhlane ezihamba nawo. 

LIZOGOQWA kusasa eNkantolo yomThethosisekelo icala lamabhange asolwa ngokubawumbimbi olwehlisa amandla erandi. 

ISAZI somnotho uSolwazi uBonke Dumisa sithi iBhange lomBuso ngeke lisayehlisa imalimboleko ezinyangeni ezizayo ngenxa yokuthi amandla emali asehle afika ku-3,5% ngoJulayi, esuka ku-3,0% ngoJuni.

UKUGUQUGUQUKA kwesimo sezulu kuzanamathuba kosomabhizinisi besifazane nabayintsha.

KULOKOZA inhlansi yethemba kubantu abangakwazi ukuthinta imali yabo esebhange Ithala emva kokuthi amajaji eNkantolo ePhakeme KwaZulu-Natali enqume ukuthi leli bhange kufanele lisebenzisane nomlawuli ukwenza uhlelo lokubuyisela abantu izimali zabo. 

ISIQALILE imvunge yokuthi ngubani ongase athathe indawo yesikhulu esiphezulu sebhange elikhulu e-Afrika iStandard Bank Group emva kokuthi ibhodi imemezele ukuthi uMnu uSim Tshabalala uzothatha umhlalaphansi ngo-2027.

IMBONI yezimoto eNingizimu Afrika ibhekene nezinselelo zohwebo nokuphazamiseka kwezindawo edayisa umkhiqizo wayo kuzona, okubalwa nentela yaseMelika ewu-30% yezimoto nezinsimbi zazo ezisuka kuleli zwe. 

I-NEDBANK imemezele ukuthi idayise amasheya ayo awu-21.2% e-Ecobank ngoR1.8 billion idayisela iBosquet Investments.

KULELI sonto ungqongqoshe womNyango wezaseKhaya uDkt uLeon Schreiber umemezele ukuthi izinhlelo zakhe zokuqeda omazisi abaluhlaza zihamba kahle njengoba amabhange esezokwenzisa izicelo zomazisi kuma-banking app.

I-NEDBANK Group, elinye lamabhange amakhulu eNingizimu Afrika, imemezele ukuthi izothenga inkampani yemishini yokukhokha ngekhadi nezinye izindlela zobuchwepheshe i-iKhokha ngoR1.65 billion.

UKUGQUGQUZELA izimboni ukuthi zihlale eThekwini, imeya yalo masipala uMnu uCyril Xaba ithi bazotshala uR450 million ukulungisa ingqalasizinda eProspecton, eningizimu yedolobha.

SEKUPHELE unyaka iNingizimu Afrika ibuswa wuhulumeni wobumbano kodwa izinkinga zokungakhuli kahle komnotho, ukubhidlika kwengqalasizinda nokungabikho kwemisebenzi zisaqhubeka.

PHEZU kokuthi umnotho emhlabeni jikelele ungakhuli ngendlela efanele ngenxa yezimpi eziphakathi kwamazwe ahlukene nentela ekhokhiswa izimpahla ezidayisa eMelika kodwa umphathi weBhange lomBuso uMnu uLesetja Kganyago uthi akufanele abantu baseNingizimu Afrika babenexhala.

IZISEBENZI ze-Ithala Development Finance Corporation (i-IDFC) izolo zidele amakhaza ashubisa umnkantsha eThekwini zabhikisha zikhala ngezikhulu “ezizowisa” le nkampani.

INKAMPANI yezitimela iPassenger Rail Agency of South Africa (iPrasa) imemezele ukunyuka kwemali yokugibela isitimela ekuqaleni kwale nyanga.

ZIYIHAMBELA kahle izinto iBoxer, ehweba eJohannesburg Stock Exchange (iJSE), njengoba ithi imali yayo ikhule ngo-12.1% ezinyangeni ezimbalwa ezidlule.

IBHANGE elikhulu kunawo wonke e-Afrika ngokwezimpahla iStandard Bank linengqungquthela egqugquzela ukuxhasa i-Afrika ngezimali ukuze ibe nengqalasizinda esezingeni eliphezulu.

UNGQONGQOSHE womNyango wezangaPhandle uMnu uRonald Lamola nowomNyango weziMboni, uHwebo nokuNcintisana uMnu uParks bamemezele ngoMsombuluko ukuthi uhulumeni unezinhlelo zokuvikela amabhizinisi akuleli zwe azothikanyezwa yintela yaseMelika ewu-30. 

EMVA kweminyaka eyisikhombisa iSteinhoff, esibizwa nge-Ibex Group, ifuna iBhange lomBuso liyibuyisele uR6.3 billion eyayihlawuliswe wona ngokuphula imithetho igcine isisayina ukuthi kulungile ihlale kuhulumeni le mali.

KULEZI zinsuku indaba yokuthi iBhange lomBuso lizokwehlisa isilinganiso salo samandla emali esiphakathi kwango-3% no-6%. 

NJENGOBA iNingizimu Afrika igubha iNyanga yaBantu Besifazane, iNational Empowerement Fund (iNEF) iyaziqhenya ngesikhwama sayo esixhasa abantu besifazane esineminyaka ewu-11 iWomen Empowerment Fund (iWEF). 

ININGIZIMU Afrika ingenelwe wuR22 billion owengeziwe ngokuhweba ngoJuni. 

IBHANGE lomBuso liphinde lehlisa umthwalo osemahlombe abathengi ngesikhathi lehlisa imalimboleko ngo-25 basis points izolo.

EMVA kokuthi iS&P Global yehlise indlela iTransnet ekleliswe ngayo uma iboleka imali, uhulumeni uyinike uR94.8 billion, ozoyisiza ukukhokhela izikweletu.

UCWANINGO olusha luveza ukuthi abantu abasenalo ixhala ngesimo sabo sezimali, okwehlise ukhwantalala ababenalo lwaya ezingeni elalikulona ngo-2022. 

INGQUNGQUTHELA ehlanganisa imboni yokuvakasha iTourism Investment Forum Africa (iTifa) iya eMhlathuze, enyakatho yeKwaZulu-Natali.

ZIQHUBEKA kahle izinhlelo zokulungisa inkundla yemidlalo eyigugu laseThekwini iMoses Mabhida Stadium. UMasipala waseThekwini uqale izinhlelo zokuyilungisa ukuze iqhubeke nokubayinkundla yemidlalo evelele emhlabeni. 

UNGQONGQOSHE womNyango wokuThuthukisa umNotho, iMvelo nezokuVakasha eLimpopo uMnu uTshitereke Matibe uthi imishini yokugembula ekumaspaza intshontsha imali kahulumeni ngoba abanikazi bawo baphula umthetho. 

NGEMVA kwezinyanga ezintathu amandla emali engaphansi kwesilinganiso esibekwe yiBhange lomBuso abuyele ku-3% ngoJuni, esuka ku-2,8% ayekuwona ngoMeyi ngenxa yokunyuka kwamanani okudla. 

IKHOMISHINI eyengamele ukuncintisana okuhle eNingizimu Afrika iCompetition Commision iphasise ukuhlangana kwenkampani yokusakaza ezweni iMultiChoice edume ngeDStv nenkampani yaseFrance yokusakaza iGroupe Canal+ SAS, eyaziwa ngeCanal+.