Unyukile umthamo wezimpahla eziphuma eDube Cargo Terminal 

YINTATHELI YOMBELE 

IZIMPAHLA ezithunyelwa yiDube Cargo Terminal zinyuke ngo-7% ngalo nyaka kunezathunyelwa ngodlule. 

Ngonyaka odlule iDube Cargo Terminal yathumela izimpahla ezingamathani awu-14 424, kwathi kulo nyaka yathumela ezingamathani awu-15 429. 

Esitatimendeni esithunyelelwe abezindaba ngabeDube Cargo Terminal, kuthiwe izikhathi ebezimatasa kakhulu bekuwuSepthemba kuyakuDisemba wango-2023, nango-Ephreli wonyaka odlule kuya ngoMashi wangalo nyaka. 

Izimpahla eziningi ezihanjiswa ngamabhanoyi nezidinga ukubekwa endaweni ebandayo nezinsimbi zezimoto. 

FUNDA NALAPHA: https://www.umbele.co.za/2025/08/15/inkampani-yezimoto-yase-india-ivule-imboni-yokukhiqiza-edube-tradeport/

Kulo nyaka iDube Cargo Terminal ithe bekunamabhanoyi akhethekile ahambisa izimpahla, okubalwa kuzona izithelo, inyama neminye imikhiqizo esheshe yonakale eYurophu naseMiddle East. 

Ukwanda kwamabhanoyi athwala izimpahla asuka eThekwini yikona okuzosiza iDube Trade Port ukuthi ivelelei emhlabeni ngokuthumela izimpahla. Ukuqinisekisa ukuthi iyaqhubeka nokuvelela iDube Trade Port isitshale imali kuma-warehouse agcina izimpahla ezidinga ukubanda, amaloli nasekwandiseni imizila amabhanoyi athumela impahla akwazi ukusuka eThekwini aqonde kuyona ngqo. 

Loku kutshala imali kuzoyisiza ukuthumela imikhiqizo esheshe yonakale. 

IDube Cargo Terminal inengqalasizinda ezoqinisekisa ukuthi iyavelela ngokuthumela izimpahla e-Afrika eseningizimu nasemhlabeni jikelele.