I-TPT imi ngomumo njengoba kuqala isikhathi sokusama-orintshi eNingizimu Afrika
INTATHELI YOMBELE
INKAMPANI elawula ukusebenza kwamachweba nokuthutha izimpahla eNingizimu Afrika iTransnet Port Terminals (iTPT) isiqalile ukulawula ngobunono ukuthutha kwezithelo ezinjengama-orintshi aseNingizimu Afrika aya kwamanye amazwe, okunyuke ngo-20% unyaka nonyaka kuze kubewu-Ephreli wango-2025.
Minyaka yonke imikhumbi enamaphasela amakhulu afinyelela ku-7 800 i-container ngayinye, afika eDurban Container Terminals, ePort Elizabeth Container Terminal naseNgqura Container Terminal phakathi kwango-Ephreli no-Okthoba njengoba iNingizimu Afrika idayisa phesheya izithelo ezinjengama-orintshi, ama-mandarin, ulamula, ama-clementine, amapapamuzi, i-lime ezimakethe ezingaphezu kweziwu-100.
FUNDA NALAPHA: https://www.umbele.co.za/2025/02/28/imishini-kar3-4-billion-izophucula-izinga-lomsebenzi-etransnet/
Ama-container athathe izinyathelo zokuqinisekisa ukulungela lesi sikhathi. Loku kuhlanganisa ukuletha izinsiza ezingeziwe eziwu-256 ngezinkontileka zesikhathi esinqunyiwe, ukulungisa zonke izindawo zokusebenza nokwengeza imishini emisha ewu-100.
Imenenja-jikelele ye-Commercial and Planning uNks uMichelle van Buuren Schele ithe: “Umsebenzi wethu uqhubeka kahle futhi manje sigxile ekukhuliseni ibhizinisi, ukuhlangabezana nokulindelwe ngamakhasimende nokwenza iNingizimu Afrika iphumelele.”
I-Citrus Growers’ Association ibikezele ukunyuka kumthamo wezitholo ezinjengama-orintshi ngo-3.6% ngo-2025 nakuba kunengozi yokukhuphuka kwentela emakethe yaseMelika kusukela ngoJulayi wango-2025.
EThekwini izindawo zama-container zibekelwe amahora awu-24 ngaphambi kokuvulwa kwemithwalo ukuze amakhasimende alethe ama-container kusukela ngosuku lokuqala. INgqura Container Terminal izosebenza ngokuthi wubani ofika kuqala. Isimo sezulu esingesihle sizoqashwa ngeso lokhozi ukugada ingozi kanti amachweba asebenzisana neSouth African Weather Service.
ENingizimu Afrika izithelo ezinjema-orintshi zivuma eLimpopo, eMpumalanga Kapa, eNtshonalanga Kapa, eiMpumalanga, KwaZulu-Natali, eNyakatho Kapa, eNorth West zihanjiswa phesheya kakhulu ngomgudu waseThekwini nowasePort Elizabeth Container Terminals.