UNks uWendy Luhabe uthi khumu ekubeni wusihlalo webhodi yeLibstar Holdings. Uzobeka izintambo phansi ngonyaka ozayo. Isithombe: Sithunyelwe

Digest Ezanamuhla Izindaba

Sehlile isibalo sezinkampani ezivalwe kulo nyaka – iStats SA

September 27, 2024

YINTATHELI YOMBELE

ISIBALO sezinkampani ezivaliwe ngo-Agasti walo nyaka sehle ngo-9.9% uma kuqhathaniswa nangonyaka odlule.

Ngokusho kweStatistics South Africa, sezizonke izinkampani ezivaliwe ziwu-1 020. Ezizivalele zona ngokwazo ziwu-905 besekuthi eziphoqiwe ukuthi zivale ziwu-115.

Khonamanjalo, iLIBSTAR Holdings isimemezele ukuthi uNks uWendy Luhabe ngeke esaqhubeka nokuba wusihlalo webhodi wayo uma sekuphele isikhathi sakhe ngonyaka ozayo.

UNks uLuhabe usebewusihlalo nomqondisi kwibhodi lale nkampani engabanikazi bemikhiqizo yokudla ehlukene kusukela ngo-2018.

Nguye owahola uhlelo lokushintsha kwabaphathi bayo ngesikhathi isisuka ezandleni zabasunguli bayo. I-LIBSTAR ingabanikazi bemikhiqizo yeLancewood, iDenny Mushrooms, i-Amaro Foods, iCape Herb & Spice nezinye.

Izindaba

Ikhomishini ichithe iVodacom ngeMaziv

KUQOKWE uMnu u-Ebrahim Essop ukuthi abe yiphini le-Pension Funds Adjudicator.

ENYE yezinhlangano eziklelisa indlela amazwe abukwa ngayo uma efuna ukuboleka imali, iFitch ithe ngeke iyiguqule indlela eklelise iNingizimu Afrika ngayo yize kodwa ithe ilindele ukuthi ungakhuli nhlobo umnotho wezwe.

NGOLWESINE iBhange loMbuso lizomemezela isinqumo esisha ngemalimboleko kanti osomnotho abaningi babheke ukuthi izonyuswa okokugcina kuleli sonto njengoba sekulindelwe ukuthi iqale yehle emhlanganweni olandelayo.

INKANTOLO isichithile isicelo seSakeliga ebifuna ukuphoqa umcwaningimabhuku-jikelele ukuthi adedele imininingwane yamabhuku omasipala abawu-154 ebizwa ngama-management report.

I-Shoprite iqinise ibhodi yayo ngoMaseko noMathebula. INTATHELI YOMBELE iyabika

I-Allan Gray yandise amasheya ayo kwaSpar, isinamasheya awu-10.42% esuka ku-3.55%.

IBHANGE loMbuso limemezele izolo ukuthi linyuse imalimboleko ngo-50 basis points yafinyelela ku-8.25%. Imali amabhange asezoyikhokhisa abathengi uma ewaboleka imali isiwu-11.75%.

IBHANGE loMbuso linyuse imalimboleko ngo-50 basis points, yafinyelela ku-7.75% kusukela namhlanje. Leli bhange lithe lokhu kungenxa yokunyuka kokwehla kwamandla emali okuqongile ngoFebhuwari njengoba kufinyelele ku-7.0%. Ithe nezinye izimo ezimise kabi umnotho zisaqhubeka.

ISIKHWAMA sempesheni sezisebenzi zikahulumeni iGovernment Employees Pension Fund sizonyusa impesheni ngo-5.55% kusukela ngenyanga ezayo. Ngokomthetho kufanele le mali inyuke okungenani ngo-75% wenani lamandla emali ngonyaka odlule, obekungu-7.40% ngo-2022.

Ezinye zezinkampani ezichicilele imibiko yezimali yiStandard Bank neSanlam.

UMNOTHO weNingizimu Afrika wehle ngo-1.3% ngekota yesine yango-2022. Izimboni ezibe nesandla kakhulu kuloku ezemali, ezokuhweba, izimayini, ezolimo, ezokukhiqiza nemisebenzi kahulumeni.

IBHANGE loMbuso liqhubekile nokunyusa imalimboleko. Izolo limemezele ukuthi izonyuka ngo-25 basis points ibe wu-7.25% kusukela namhlanje. Leli bhange lithe izinto ezithwalisa umnotho kanzima zisaqhubeka. Lithe selilindele ukuthi umnotho ukhule ngo-1.6% kulo nyaka, esikhundleni sika-1.9%.

USULILE esikhundleni sokuba yisikhulu sokugcina imithetho, phecelezi i-company secretary, eDiscovery uNks uNomalanga Nobuhle Mbongo. Uzogcina kulesi sikhundla ekupheleni kwangoMashi.

USOLWAZI uTshilidzi Marwala usulile ebhodini labaqondisi laseNedbank njengoba esezoba wumphathi weNyuvesi yeNhlangano yeZizwe. Uzogcina kuleli bhodi ekupheleni kukaFebhuwari.

Sehlile isibalo sezinkampani ezivalwe kulo nyaka – iStats SA

Leave a Reply Cancel reply

YINI I-CURRENCY SYSTEM?

YINI I-BARTERING SYSTEM?

YINI I-MEDIUM OF EXCHANGE?

YINI I-COMMERCIAL BANK?

YINI I-STATE BANK?

Podcasts

Inqolobane

About us

Declaration

Sithinte

We are social