Amehlo azothi njo kwizibalo zemboni yomkhiqizo
YINTATHELI YOMBELE
KULELI sonto amehlo azosuka emabhange ombuso agxile ezibalweni zomnotho ezibalulekile. Izibalo ezibhekwe kakhulu inkomba yanyanga zonke yemisebenzi emisha nelahlekile kungabalwa izisebenzi zasemapulazini, emizini yabantu nasezinhlanganweni ezingenzi nzuzohttps://www.umbele.co.za/2026/02/16/yini-i-nonfarm-payrolls/ nezibalo zabantu abangasebenzi eMelika ezizophuma ngoLwesihlanu ezizonyakazisa izimakethe.
Njengoba engashongo okutheni umphathi weBhange lomBuso eMelika uMnu uKevin Warsh, abatshalimali bazobheka izibalo zamaholo ezimbonini ezihlukene ngaphandle kweyezolimo, babheke nezibalo zabantu abangasebenzi okulindeleke ukuthi kubeyizona ezizocacisa ukuthi kwenzekani emnothweni waseMelika. Yizona ezizocacisa nokuthi izonyuka yini imalimboleko kulo nyaka.
Uma izibalo zabantu abangasebenzi zingekho phezulu, kuzogqugquzela iBhange lomBuso eMelika ukuthi lihlale liqaphile nokuthi mhlawumbe izinqumo zalo ngemalimboleko sekufanele ziguquke.
Lapha ekhaya, izibalo zizogxila kokwenzeka emabhizinisini njengoba izibalo zokukhiqiza i-Absa manufacturing purchasing managers index (i-PMI) neS&P Global PMI kuyizona ezizokhombisa obekwenzeka ngekota yesithathu yonyaka njengoba kuza enye inyanga yokungaqiniseki ngamanani kawoyela ongahluziwe.
FUNDA NALAPHA: https://www.umbele.co.za/2026/07/27/umhlaba-wonke-uzobheka-imalimboleko-yasemelika/
Izibalo zokudayisa kwezimoto ezintsha zizokhombisa okwenzeka embonini yezimoto, kuthi izibalo zokushintsha imali zibaluleke ngenxa yokungahlaliseni kwezimakethe zezimali emhlabeni.
E-China kuzonakwa izibalo zokukhiqiza ezizokhombisa ukuthi ngabe umnotho wakhona wenza kahle yini. EYurophu, izibalo zamanani okukhiqiza nezibalo zokudayisa zizokhombisa ukuthi amandla emali ahamba kanjani nokuthi abathengi bayakwazi ukufeza izidingo zabo. EMelika izibalo zokukhiqiza zizokhombisa okwenzeka emabhizinisini.
Ngemva kokuqoka ibhodi yePublic Investment Corporation, umsebenzi wayo wokuqala kuzoba wukubuyekeza isinqumo sokumisa isikhulu sayo esiphezulu uMnu uPatrick Dlamini, olusezithebeni zenkantolo.
FUNDA NALAPHA: https://www.umbele.co.za/2026/07/31/ibhodi-entsha-yepublic-investment-corporation-izoqeda-ukuxokozela-ungqongqoshe/
Izingqapheli zithi umgcinimafa nomengameli wezwe bafuna uDlamini asheshe abuye kodwa kufanele okwenzeka enkantolo kuhambe ngendlela.