Kubekwe uR40 million wezinhlelo zamanzi nokuthutha indle

YINTATHELI KAMASIPALA

UKUQINISEKISA ukuthi umkhakha wamabhizinisi abadayisi abanamatafula uMasipala waseThekwini ubuhlele ingqungquthela i-Informal Economy Development Summit kusukela mhlaka-7 kuyamhlaka-8 kule nyanga e-Inkosi Albert Luthuli International Convention Centre.

Inhloso yale ngqungquthela bekuwukusimamisa imboni yabadayisi abanamatafula ngokuhlanganisa abahwebi, izinhlaka eziletha usizo lwamabhizinisi nabanye abalingani ukucobelelana ngolwazi, ukubuyekeza izinqubo nokuqhamuka namaqhinga okufukula le mboni.

Lolu hlelo lwezinsuku belugxile ekubuyekezeni imithetho kamasipala elawula ukuhweba kwabadayisi abakule mboni nokubheka amathuba okuxhasa abanikazi bamaspaza. Kwethulwe nomThethosivivinywa wamaBhizinisi, kwabiwa nama-voucher estoko enani eliwu6 000 kubahwebi abaqeqeshwe yiWholesale and Retail Seta.

Kule ngqungquthela iphethe ngokwethulwa imiklomelo yokuqala ama-eThekwini Informal Traders Recognition Awards kubahwebi abavelele eThekwini. Emikhakheni ebikhona bekuyi-Youth-owned Informal Business, i-Best Compliance Trader, Job Creation Champion ne-Informal Innovative Services.

UmKhandlu waseThekwini ugunyaze ukuthi kuhlinzekwe uR40 million ngokwesabelo semali yokwenza imisebenzi yokuthuthukisa ingqalasizanda ephethwe wumNyango wezaManzi nokuThutha iNdle ngonyaka wezimali u-2025/26.

Le mali ngeyokwenza imisebenzi yokuthuthukisa nokulungisa ingqalasizinda yokuletha amanzi emawodini kaMasipala nokuphucula imisebenzi esilele.

Umqondisi omkhulu weziMali uyalelwe ukuthi akhombise lolu shintsho embikweni wesabelomali olandelayo, aqinisekise ukuthi le mali iya emisebenzini ezoletha ushintsho ezidingweni zomphakathi nengqalasizinda ephuthumayo. Lesi sichibiyelo sizoqinisekisa nokuthi iyaqhubeka imisebenzi nokuthi imiphakathi ikwazi ukusebenzisa imitapo yolwazi.