Uyehla umthwalo wamanani emahlombe abathengi – ucwaningo

YINTATHELI YOMBELE

UKWEHLA kwamandla emali kubengcono ngoMashi, obekungokokuqala ezinyangeni ezine njengoba kube wu-2.7%, kusuka ku-3.2% ngoFebhuwari. I-Statistics South Africa ithe kudalwe wukwehla kwamanani kaphethroli nokunyuka kancane kwemali yesikole. 

Amanani kaphethroli anyuke ngo-0.4% kusukela ngoFebhuwari, nokusho ukuthi ezinyangeni eziwu-12 ezidlule usuwehle ngo-8.8%. 

FUNDA NALAPHA: https://www.umbele.co.za/2025/03/28/amanani-okudla-ayehla-kancane-icompetition-commission/

Amanani emfundo acutshungulwa njalo ngoMashi kanti kuvele ukuthi anyuke ngo-4.5%, okungaphansi kuka-6.4% ayenyuke ngawo ngo-2024. Izikole zikhuphuke ngo-5.0%, esikhundleni sika-6.6% ezazinyuke ngawo ngo-2024 besekuthi izikhungo zemfundo ephakeme zona zikhuphuke ngo-3.7%, esikhundleni sango-5.9% wangonyaka odlule. 

Amanani okudla neziphuzo ezingenatshwala ehlele ku-2.7% ngoMashi, esuka ku-2.8% ngoFebhuwari.