Usihlalo wePurple Group uMnu uHappy Ntshingila uzibeke phansi izintambo. Isithombe: Sithunyelwe

AM Wrap Ezanamuhla Izindaba

UNtshingila uhlaba ikhefu ekubeni wusihlalo wePurple Group

April 11, 2025

INTATHELI YOMBELE

USULILE esikhundleni sokubawusihlalo wePurple Group uMnu uHappy Ntshingila kusukela ngomhlaka-9 kule nyanga.

Loku kungenxa yokuthi usanda kuphothula izuqu zomthetho i-LLB kanti manje umatasa nomsebenzi wokuba lommeli oyithwasa nokuvimba ukuthi abewumqondisi webhodi lenkampani ngoba kuphambene ne-Legal Practice Act.

Uzobuyela ebhodini ngoSepthemba emva kokubhala izivivinyo zokugcina. Ozobamba kulesi sikhundla wuMnu uCraig Carter.

Khonamanjalo, uMnu uHamilton Luthando Mkatshana akasesona isikhulu esiphezulu se-ARM Platinum njengoba lesi sikhundla sesiphethwe wuMnu uJohan Christian Jansen obambile kuze kuqokwe isikhulu esiphezulu esisha.

Le nkampani kaMnu uPatrice Motsepe ithe uMkatshana useyisikhulu esiphezulu se-ARM Technical Services.

Izindaba

Ikhomishini ichithe iVodacom ngeMaziv

KUQOKWE uMnu u-Ebrahim Essop ukuthi abe yiphini le-Pension Funds Adjudicator.

ENYE yezinhlangano eziklelisa indlela amazwe abukwa ngayo uma efuna ukuboleka imali, iFitch ithe ngeke iyiguqule indlela eklelise iNingizimu Afrika ngayo yize kodwa ithe ilindele ukuthi ungakhuli nhlobo umnotho wezwe.

NGOLWESINE iBhange loMbuso lizomemezela isinqumo esisha ngemalimboleko kanti osomnotho abaningi babheke ukuthi izonyuswa okokugcina kuleli sonto njengoba sekulindelwe ukuthi iqale yehle emhlanganweni olandelayo.

INKANTOLO isichithile isicelo seSakeliga ebifuna ukuphoqa umcwaningimabhuku-jikelele ukuthi adedele imininingwane yamabhuku omasipala abawu-154 ebizwa ngama-management report.

I-Shoprite iqinise ibhodi yayo ngoMaseko noMathebula. INTATHELI YOMBELE iyabika

I-Allan Gray yandise amasheya ayo kwaSpar, isinamasheya awu-10.42% esuka ku-3.55%.

IBHANGE loMbuso limemezele izolo ukuthi linyuse imalimboleko ngo-50 basis points yafinyelela ku-8.25%. Imali amabhange asezoyikhokhisa abathengi uma ewaboleka imali isiwu-11.75%.

IBHANGE loMbuso linyuse imalimboleko ngo-50 basis points, yafinyelela ku-7.75% kusukela namhlanje. Leli bhange lithe lokhu kungenxa yokunyuka kokwehla kwamandla emali okuqongile ngoFebhuwari njengoba kufinyelele ku-7.0%. Ithe nezinye izimo ezimise kabi umnotho zisaqhubeka.

ISIKHWAMA sempesheni sezisebenzi zikahulumeni iGovernment Employees Pension Fund sizonyusa impesheni ngo-5.55% kusukela ngenyanga ezayo. Ngokomthetho kufanele le mali inyuke okungenani ngo-75% wenani lamandla emali ngonyaka odlule, obekungu-7.40% ngo-2022.

Ezinye zezinkampani ezichicilele imibiko yezimali yiStandard Bank neSanlam.

UMNOTHO weNingizimu Afrika wehle ngo-1.3% ngekota yesine yango-2022. Izimboni ezibe nesandla kakhulu kuloku ezemali, ezokuhweba, izimayini, ezolimo, ezokukhiqiza nemisebenzi kahulumeni.

IBHANGE loMbuso liqhubekile nokunyusa imalimboleko. Izolo limemezele ukuthi izonyuka ngo-25 basis points ibe wu-7.25% kusukela namhlanje. Leli bhange lithe izinto ezithwalisa umnotho kanzima zisaqhubeka. Lithe selilindele ukuthi umnotho ukhule ngo-1.6% kulo nyaka, esikhundleni sika-1.9%.

USULILE esikhundleni sokuba yisikhulu sokugcina imithetho, phecelezi i-company secretary, eDiscovery uNks uNomalanga Nobuhle Mbongo. Uzogcina kulesi sikhundla ekupheleni kwangoMashi.

USOLWAZI uTshilidzi Marwala usulile ebhodini labaqondisi laseNedbank njengoba esezoba wumphathi weNyuvesi yeNhlangano yeZizwe. Uzogcina kuleli bhodi ekupheleni kukaFebhuwari.

UNtshingila uhlaba ikhefu ekubeni wusihlalo wePurple Group

Leave a Reply Cancel reply

YINI I-PERSONAL LIABILITY COMPANY?

YINI I-PUBLIC COMPANY?

YINI I-PRIVATE COMPANY?

YINI I-FUND FLOW?

YINI I-OVERDRAFT?

Podcasts

Inqolobane

About us

Declaration

Sithinte

We are social