‘Gcina imali uyigcinele isimo esinzima’

Kuleli sonto kuSAZIWAYO NEMALI sixoxa noMmangaliso Mhlongo, usomahlaya nomphathi wohlelo emicimbini. Phakathi kwemicimbi asekewabulala abantu ngensini kuyona kubalwa i-Mama’s Boy, i-Durban Curry Comedy, All Jokes Aside, i-Comedy Night, i-It’s a Love Thing, i-Durban Headliners, Laugh Like a Pirate Comedy ne-Sh*ts & Giggles

WUTHOBILE ZWANE 

Usemncane wawuphiwa yini imali?

Yebo ngangiphiwa imali. 

Waqala nini ukuba ne-akhawunti yasebhange futhi wawuyivula kuliphi?

Ngo-2005 ngangifunda u-Grade 9, ngayivula e-Absa. 

Ekukhuleni kwakho yini oyikhumbulayo nowayifunda ngemali?

Wukuthi imali iyasetshenzelwa.

Wawenzani umholo wakho wokuqala?

Ngawunikeza uMama.

Yini into enhle ongathi usuke wayenza ngemali?

Ngathenga izinkomo.

Yiliphi iphutha elithinta imali osuke walenza?

Wukujabulisa abangani.

FUNDA LAPHA: https://www.umbele.co.za/2022/08/12/kuleli-sonto-kusaziwayo-nemali-sikuphathele-usimphiwe-shembe-usomahlaya-oshiya-abantu-bephethwe-yizisu-ngamahlaya-akhe/

Wake walutheka mhlawumbe ngokudlala ibhanoyi?

Yebo iMMM, ngalahlekelwa uR12 000.

Uma ungawina uR1 million kwiLotto ungawusebenzisa kanjani?

(Ngingayifaka) kwi-fixed account, ngengeze emfuyweni enginayo, ngithenge nomhlaba, ngakhe.

Ungabeluleka uthini abanye abasemkhakheni wakho ngokuphatha imali?Wukuthi ungayimosi imali, ukuvalwa kwezwe (ngesikhathi se-COVID-19 kwasifundisa ukubaluleka kokugcina imali, uyigcinele isimo esinzima.