Sivaliwe esomqondisi-jikelele
KUQOKWE uDkt uDuncan Pieterse abewungomQondisi-Jikelele omusha emNyangweni weziziMali. Uzohola lo mnyango iminyaka emihlanu.
UDkt uPieterse uyiphini lomQondisi-Jikelele we-Asset and Liability Management. kulo mnyango. Ufike kuwona ngo-2013 kanti usephathe izikhundla ezihlukene kule minyaka ewu-10 edlule, okukhona kuso nesokuba yiphini lomqondisi-jikelele we-Economic Policy.
Ephawula ngokuqokwa kukaDkt uPieterse, uNgqongqoshe wezeziMali, uMnu u-Enoch Godongwana uthe: “UmQondisi-Jikelele uyena okhomba indlela, uhola ithimba longoti eliphatha izinhlaka ezihlukene zemali, ukuhlanganisa nokucubugula umgomo wemali. Uyinsika ekuhleleni izimali zezwe. Ngikholwa wukuthi uDuncan unamava enele ukuphumelela.”
Isikhundla somqondisi-jikelele savuleka ngoJuni ngo-2022 emva kokuphela kwenkontileka kaMnu uDondo Mogajane. UDkt uPieterse une-PhD ye-Economics, i-Masters of Business Science neBachelor of Business Science, akuthola e-University of Cape Town, neMaster’s in Public Administration yaseHarvard University Uzothatha izintambo ngoSepthemba.
- Lolu lwazi lucashunwe emNyangweni wezeziMali