Abadayisi bacijwe ngamakhono okubaphumelelisa

YINTATHELI KAMASIPALA

UKUTHUTHUKISA abadayisi basemgwaqweni ngamakhono afanele kuyindlela eya empumelelweni emkhakheni wamabhizinisi angabhalisiwe namancane. Kungenxa yaloku uMasipala waseThekwini ubambisene nomNyango wezokuThuthukisa umNotho KwaZulu-Natali ucije abadayisi abawu-48 abasebenzela e-Informal Traders Hub kwaV eMlaza ngamakhono okuphatha izimali nebhizinisi kubadayisi.

Loku kucijwa bekusehholo lomphakathi eMlaza kwaD kanti bekuhloswe ngabo ukuhlomisa abadayisi basemgwaqeni ngolwazi lokuphatha izimali zabo, ukutshala inzuzo nokuhlelela ukukhula.

Abantu abaningi ababambe iqhaza abaningi bacobelelane ngamakhono abawafundile, njengokwenza isabelomali, ukuphatha isitoko nokugcina amarekhodi, kanti bazoshintsha indlela abaphatha ibhizinisi ngayo. Kuqala bebesebenzela kuma-container angatheni, kanti ngonyaka odlule banikwe izindawo zokuhweba kulesi sizinda sokuhweba, okuyisakhiwo sikamasipala. 

FUNDA NALAPHA: https://www.umbele.co.za/2025/03/27/ithuba-lokufaka-izicelo-zezimvume-zokuhweba/

Lo msebenzi  ulethe isithunzi, wandisa ukubonakala kwamakhasimende namagalelo okuhweba. Namuhla, lesi sikhungo siyindawo yamabhizinisi awu-48 ahlukene, okubalwa kuwona  izindawo zokucwala izinwele nezindawo zokudla nezindaweni zokuwasha nezokukhanda izinto zikagesi.