Amanqampunqampu esonto

INTATHELI YOMBELE

I-household affordability index yangoJulayi, okuyinkomba yamanani okudla okumqoka okuwu-44 yamasuphamakethe awu-47 namabhusha awu-32 ezweni, ikhombisa ukuthi  ngoJulayi ubhasikidi wokudla ubuwuR5 252,15. 

Ngenyanga ubhasikidi wokudla womuzi owodwa wehle ngoR0,62 (okuwu-0,0%), usuka kuR5 252,77 ngoJuni 2024 wafinyelela kuR5 252,15 ngoJulayi. Ngonyaka ubhasikidi wokudla womuzi unyuke ngoR170,21 (okuwu -3,3%), usuka kuR5 081,94 wangoJulayi wango-2023, wafinyelela kuR5 252,15 ngoJulayi wango-2024.

Khonamanjalo, iSouth African Revenue Service ikhiphe izibalo zaseNingizimu Afrika zokuhwebo zesikhashana zangoJuni. 

Izwe lenze inzuzo ewu-R24.2 billion ngoJuni wango-2024. Le nzuzo ingenxa yezimpahla ezidayiswe phesheya zenani eliwuR147.7bn, kubalwa nezimpahla ezidayiswe emazweni angomokhalwane iBotswana, iSwatini, iLesotho neNamibia.

Inzuzo yonyaka uqhathaniswa nodlule ewuR68.4bn inyuke isuka kuR14.4bn yangonyaka owendulelayo.

Inzuzo yemali engenile yehle ngo-12.2%, yehle isuka kuR168.2bn wangoJuni wango- 2023 yabawuR147.7bn kulo nyaka.

I-Absa purchasing managers’ index ebuyekeziwe inyuke ngo-6.7 points yafinyelela ku-52.4% ngoJulayi, isuka ku- 45.7% ngoJuni. 

Loku kuyinkomba yokuqala kwekota yesithathu ngomfutho, kulandela uJuni noMeyi ababentekenteke. Imiphumela yezibalo ikhombisa ukunyuka kwesidingo sezimpahla ezithengwayo.

• La mazwibela acashunwe kwiPietermaritzburg Economic Justice & Dignity Group, iSARS neBureau for Economic Research