INKAMPANI ekhiqiza iphepha iMondi imemezele ukuthi izothenga u-90.38% wamasheya e-Olmuksan, inkampani yaseTurkey esembonini ngo-€66 million (R1.2 billion). I-Olmuksan iyinkampani ehamba phambili kule mboni eTurkey kanti ihweba kwi-Instabul Stock Exchange. Ngonyaka wezimali ophele ngoSepthemba 30 ngonyaka odlule ingenise u-€150 million (R2.7 billion). Isikhulu esiphezulu eMondi uMnu u-Andrew King sithe: “Siyajabula ngaleli thuba lokukhulisa umsebenzi wethu eTurkey nokungenye yezimakethe ezikhula ngamandla. Sisalinde ukuthi abalawula ezokuncintisana bakuphasise loku kanjalo neminye imibandela. Sithemba ukuthi sizophothula yonke into ngesigaba sokuqala sango-2021.”