Izinhlelo zeTheku zokuthuthukisa umnotho
WU-SOHANA SINGH
KUNENDATHANE yezinhlelo zokuthuthukisa umnotho zikaMasipala waseThekwini eziqhubekayo kanti ezinye umasipala usazihlela. Uphiko iCatalytic Project Unit kumanje luphezu kwezinhlelo ezicela ku-16 zokutshala imali elinganiselwa kuR217 billion, zidale amathuba omsebenzi acela ku-300 000.
Loku kubambisana phakathi kwemboni ezimele nohulumeni kubonakala ngemali etshalwayo, okuletha ithemba kulesi sifunda.
Ngezansi nalu uhla lwemisebenzi yokusimamisa umnotho ezoguqula idolobha.
IShongweni Development
Ukwakha iWestown Square ngoR3bn, okuwumsebenzi owenziwa yiFundamentum Development Company, okwaqala ngo-2021 kuvule isahluko esisha esifundeni esisentshonalanga saseThekwini.
Lona wumsebenzi wokuqala wentuthuko endaweni engama-hekhtare awu-100 okuzokhwakhiwa kuyona, eyingxenye yendawo edidiyele izindawo zokuhlala nezamabhizinisi yesimanje ewu-2 000 egudle u-N3 ne-Kassier Road Interchange. Izogaba ngezizinda eziyisishiyagalolunye ezinezindawo zokudayisa, ezokuhlala, ezamabhizinisi, ezamabhizinisi okuthutha, izimbono nesikhungo samabhizinisi.
I-Westown Square kulindeleke ukuthi iqale ukusebenza ngo-Ephreli wango-2025.
I-Brickworks
I-Avoca Node Development, eyenganyelwe yiJT Ross ne-Investec, wuhlelo lwentuthuko lweminyaka ewu-15 olunezizinda ezintathu, okuyiBrickworks, iNorth Fields neCaneridge endaweni elinganiselwa kumahekthare awu-350 ububanzi. Le ndawo inamandla okuletha imali engatshalwa kuyona ewuR10.5bn.
ITheku litshale uR451 million ukuthuthukisa ingqalasizinda okuvele kukwenza ku-Old North Coast Road, ukwenza ukuthi kuhambeke kalula futhi kwande nezinto zokuhamba.
ITheku lilindele inzuzo ewuR206m ngonyaka uma sekuthuthukiswe le ndawo yokuhweba. Kulindeleke ukuthi kudaleke imisebenzi yokwakha ewu-51 000, nemisebenzi yabantu abasebenza ngokugcwele ewu-19 000.
I-Giba Business Estate
Ukhwakha iGiba Business Estate, okwenziwa yiSultex Holdings, kuseningizimu neMarianhill Toll Plaza ngasemgudwini wamaloli ogudle uN3 freight iDurban-Free State-Gauteng, ebizwa ngeSIP2.
Lo msebenzi kaR1.9bn uzothuthukisa indawo ewu-200 000m2 ezindaweni ezihleliwe ezingalingani okuhlelwe ukuthi zidayiselwe izinkampani ezisemkhakheni wezimboni, ogcina izimpahla nowezokuthutha.
Isigaba sokuQala sokwakha sinezindawo eziwu-22 nemisebenzi yobunjiniyela ezoqala ngoJulayi wango-2023. Ngesigaba sesiBili kuzokhuphuka izindonga.
Mayelana nemisebenzi ezodaleka, kulinganiswa ukuthi kuzoba nemisebenzi yokwakha ewu-492 yabantu bendawo abazohlomula kulo msebenzi wokwakha.
I-Oceans Development
Umsebenzi kaR5bn wokwakha i-Oceans uMhlanga kuhlelwe ukuthi kubewumsebenzi odidiyele izinto ezihlukene esizindini uMhlanga Rocks Village.
Kulo msebenzi kubalwa inxanxathela kanokusho yezitolo ezidayisa izinto zekhethelo, amaflethi neRadisson Blu Hotel. Inxanxathela yezitolo nehhotela sekuvele kuphelile kodwa umsebenzi wokwakha amaflethi nehotela le-time share usaqhubeka.
Kulindeleke ukuthi lo msebenzi wokwakha wenze le ndawo yokuvakasha iqhubeke ihehe izivakashi. Okwamanje kusadingidwa amanye amathuba okutshala imali kwingqalasizinda kule ndawo.
Inyaninga
Inyaninga yisizinda esikhulu esididiyele izinto eziningi senani likaR40bn.
Le ndawo engamahekthare awu-1 023 okuhlelwe ukuthi ewu-1.617m2 kubengeyokuhweba noma amabhizinisi, kuthi kubaneyezindawo zokuhlala eziwu-8 755.
Inyaninga ibhekwe ukuthi ibeyindawo yokwenza imikhiqizo enkulukazi. Isiza se-iNyaninga sizobanezinto ezinhle eziningi njengoba sizobaseduze kwesikhumulo sezindiza nemigudu yezinto zokuhamba neDubeTrade Port ngomzila uR102 noN2 ukwenza ukuthi kubelula ukufinyelela ezimakethe zokuhweba.
Kweminye imisebenzi yokwakha ehleliwe noma eqhubekayo yiCornubia, iDube TradePort, iSibaya Coastal Precinct, Inyaninga, iWhetstone Business Park nokuthuthukisa inkaba yedolobha iTheku yezigidigidi zamarandi.
- Lolu daba lukhokhelwe wuMasipala waseThekwini