Zizobuthwa phansi izingilazi nezipuni endalini ye-AuctionCONNECT. INTATHELI yoMBELE iyabika
OSOMABHIZINISI abasafufusa abathanda ukudayisa, abanikazi bezindawo zokudlela zesikhashana, abaqashisayo, abapheki nabantu abathanda ukuzithengela izitsha bazojabula ukuzwa ngendali yezingilazi, izipuni, imimese nezimfologo.
Endalini ezoba mhla ka-30 Septhemba 2022 kuzodayiswa izingilazi, izipuni, imimese nezimfologo ezingaphezu kuka-200 000. Lena yindali enkulu kunazo zonke esike yenziwa yi-AuctionCONNECT kanti izoba ku-8 Henry Pennington, eduze kwaseBP Garage ePinetown, eThekwini, KwaZulu-Natali, nakuFacebook.
UmQondisi nomunye wabaSunguli be-AuctionCONNECT uMnu uMark Harper uthe: “Sesiwenze wonke umsebenzi kanti osomabhizinisi sebengadla izithelo zalo msebenzi. Inhloso yethu wukwenza amabhizinisi amancane asithole kalula isitokwe, ngendlela eyenza kube lula emabhizinisini abo nasemakhasimendeni abo. Amanani e-AuctionCONNECT asiza abanikazi bamabhizinisi baphumelele ngokubanika izaphulelo ezinkulu ezingafinyelela ku-70% ngezinsuku zendali nesitokwe esisha masonto onke.”
I-AuctionCONNECT ithenga izimpahla ezihlukene zibe ningi isebenzisa izindlela zokuthola imikhiqizo ukuhlinzeka osomabhizinisi ngemikhiqizo esezingeni eliphezulu ngamanani afanele ngenxa yamandla okuthenga enawo.
“Indlela esenza ngayo izoshintsha izinto embonini yokudayisa izimpahla endalini ngoba asigcini ngokusabalalisa isitokwe ukuze sidayiswe kodwa sifuna ukuphakamisa amabhizinisi amancane sifake isandla emnothweni waselokishini ngendlela ezosiza kakhulu. Isisombululo sethu sihlinzeka ngezindlela zokuthenga isitokwe ezintathu izinkampani ezisafufusa nabathengi abasuke bezihambela ngabodwana. Siqoqa isitokwe sihlanganise nabantu abanolwazi lokudayisa, olunjengokuhlukanisa izimpahla ngamanani, ukukhangisa nokuphatha ibhizinisi okujwayelekile. Loku kunika usomabhizinisi ithuba lokuphumelela ngempela ebhizinisini.
“I-AuctionCONNECT ayimayelana nokusingatha izindali nokusiza ukudayisa isitokwe sonke kuphela, sifuna ukwakha osomabhizinisi abakwazi ukumelana nanoma yini. Ukuhlinzeka ngesitokwe esihlukene kungesinye sezisombululo zokuheha abathengi, noma ngabe yispaza esincane elokishini noma yisitolo sezimpahla zasendlini esisedolobheni elincane, usomabhizinisi angethemba ukuthi uzokwandisa isibalo samakhasimende esitolo sakhe. Sifisa nokuvala igebe kubantu okumele bahambe amabanga amade ukuze bakwazi ukuthenga izinto ezisebenza ngogesi nezimpahla zasendlini ezijwayele ukudingeka; yilapho amandla omnotho waselokishini engena khona,” kusho yena.
Indali ezoba mhla ka-30 kuSepthemba izoba wusuku olugcwele ubumnandi obuzothokozelwa yiwo wonke umuntu. Kuzobe kunomculo, ukudla nemiklomelo eminingi ezowinwa ngabathengi.
Osomabhizinisi abafuna ukusebenzisa leli thuba ukuze bandise istokwe samabhizinisini abo bangaxhumana nathi kuWhatsApp ku: 072 492 3815 noma babhalise ku: www.auctionconnect.co. KuFacebook bangabheka u-AuctionCONNECT.
- Lolu daba lukhokhelwe