Umasipala uzokwenza imijikelezo yezigcawu zokubuyekeza imithetho yabahwebi abanamatafula
INTATHELI KAMASIPALA
UKUQHUBEKA nokuthuthukisa umnotho wendawo, uMasipala waseThekwini uzokwenza izigcawu zokucija abahwebi nabadayisi abanamatafula i-Informal Trade and Retail Markets By-law Review Roadshows ngale nyanga e-iTRUMP Hall edolobheni.
Le mijikelezo izobayithuba lokuthi abahwebi nabanye abakulo mkhakha bacobelelane ngolwazi futhi baphose esivivaneni sokwenza ushintsho oluzoqinisa, luseke lo mkhakha.
Le mithetho kamasipala i-Retail Markets By-law ne-Informal Trade By-law yashaywa ngo-2014 kanti iyabuyekezwa manje ngemithethosivivinyo i-Retail Markets First Amendment By-law ne-Informal Trade Third Amendment By-law yango-2026.
Lezi zithangami zihlose ukuqinisekisa uhlaka lwemithetho luyaqhubeka nokufeza izidingo zomnotho wabahwebi futhi wandise amathuba.
FUNDA NALAPHA: https://www.umbele.co.za/2026/07/03/asimile-siyaqhuba-iminyaka-emihlanu-yokuvuselela-imboni-yabahwebi-bamatafula/
Usihlalo weKomiti lokuThuthukisa umNotho nokuHlela uMnu uThembo Ntuli uthi: “Loku kubuyekeza (imithetho kamasipala) kuzoqinisekisa ukuthi uhlaka lwemithetho lwenza kubenokuhweba okuphephile nokuhlelekile futhi kudale amanye amathuba okubamba iqhaza emnothweni wendawo. Imibono yabahwebi nabanye abakulo mkhakha imqoka ukuqinisekisa ukuthi iziphakamiso ezenziwe zisiza abahwebi uma besebenza.”
Imijikelezo izolandelana kanje:
Esiyingini sasedolobheni eDurban Central Business District sizoba mhlaka-13 wango-Okthoba eTRUMP Hall ngo-10 ekuseni.
E-Inner nase-Outer West sizobangomhlaka-16 eCouncil Chamber, eGround Floor ePinetown Civic Centre ku-60 Kings Road ngo-9 ekuseni naseClermont Hall, eClermont Sizakala Centre ku-106 Zazi Road mhlaka-22 ngo-9 ekuseni.
ENingizimu, sizobaseHholo lomphakathi kwaV, eMlaza mhlaka-27 ngo-10 ekuseni. Enyakatho, sizobakwa Bester Community Hall mhlaka-29 ngo-10 ekuseni, eduze kolwandle sibeDurban Surfing Club mhlaka-5 ngo-10 ekuseni bese kuthi enyakatho ekude sibesoThongathi Sports Centre mhlaka-10 Novemba ngo-10 ekuseni naseVerulam Library mhlaka-11 ngo-10 ekuseni.