I-DFF izogubha iminyaka ewu-15 ngombukiso wezinsuku ezintathu
YINTATHELI KAMASIPALA
UMASIPALA waseThekwini uzokwenza iDurban Fashion Fair (iDFF) yesi-15 kusukela ngomhlaka-16 kuya mhlaka-18 wangoSepthemba mcimbi eDurban Exhibition Centre, ukugubha iminyaka ewu-15 kwasungulwa le nkundla ukunika abasikingqephu baseThekwini indawo yokuzibonakalisa.
Le ngqophamlando, ezobanendikimba ethi “Where Legacy Lives”, okusho lapho kuhlala khona umlando, izohlanganisa abasikingqephu abanamava, abasafufusa neQoqo leDFF lango-2026 ubusuku obuthathu bokugubha ubuciko, ukwenza izinto ezintsha nokudlondlobala kwemboni yemfashini yaseNingizimu Afrika.
FUNDA NALAPHA: https://www.umbele.co.za/2025/08/22/kubalwa-izinsuku-ngaphambi-kokuqala-kwedurban-fashion-fair/
Kulo mbukiso kuzokhangisa abasikingqephu abawu-84 ngemisebenzi yabo izinsuku ezintathu, okubalwa kubona abasikingqephu abawu-20 abasafufusa abayingxenye yeQoqo leDFF lango-2026.
Ngobusuku bokuqala kuzobe kukhangiswa imisebenzi yabasikingqephu abahlukene, okubalwa kubona oZero Tolerance, uDineo Khumalo, iKarnation Clothing, i-Enhle Babes, i-Republic Menswear, i-Ntsasa Creation, Iqhosha, Carita Adams, i-Black Faces Apparel, iMphosh Brands, iM Shade, i-Saneps, Nellie D Designs, i-ByArthur The Tailor, i-AZM Fashion, i-Thee Kings, i-EYC Couture, i-Zip Culture, iMnguni Empire, iDiablotic Off-Ice Cotton neVialli Jeans.
Ngobusuku besibili kuzokhangisa iKarnation Clothing, Mdimour, Dave & Gray, uLeanne Mondon, iLibo Creation nabafundi abacijwe kulo luhlelo. Abanye abazobe bekhangisa ngemisebenzi yabo kubalwa uPrecious Lulu, uJado Mjadu, i-Eagle Eye Clothing, Space Co, i-SM Creations, iZaviar Fashion House, i-LEMFXV, i-ZAH Creations, i-House of St Luke, i-Treasure Cindi, i- Victor Fashion Kingdom noVallure.
Ngobusuku bokugcina kuzokhangiswa imisebenzi kaKing A Apparel, uJigga, i-S.H.I.L.K, i-Tribal Skin Clothing Co, uYatsar, Karen Monk, uMartin Bespoke, iLutuleigh, Eullue, iHouse of Vyagor Louvre, uSibu Msimang, i-Zwandyy, Monach Detailer, i-Sista Fellas, i-Paul Kotini, i-Modesta, uKireshen Chetty, Indoni Fashion House, iNguni Shades, uZamaswazi, iMita-N Dezynz neDUKE Clothe Your Soul.
Eminyakeni ewu-15 edlule, iDFF isiseke abasikingqephu ngokubanika amathuba okukhulisa izimpahla zabo, ukuthola amava emboni nokubahlanganisa namakhasimende amasha. Lolu hlelo luyingxenye yemizamo kamasipala yokusimamisa umnotho wobuciko namakhono nokudala amathuba emkhakheni wenzingubo nendwangu.
Umphakathi uyamenywa kulo mcimbi wezinsuku ezintathu nokuseka abasikingqephu abaqhubeka nokwenza iTheku libe ngelinye lamadolobha avelele kwimfashini, ubuciko nokwenza izinto ezintsha.
Amathikithi awuR120 umbukiso ngamunye, ithikithi losuku lonke liwuR250, kuthi ithikithi lezinsuku ezintathu libewuR500. Amathikithi atholakala e-Webtickets, nakwezinye izitolo, okubalwa kuzona iPick ’n Pay neBoxer. Amathikithi ayatholakala ku: https://www.webtickets.co.za/v2/event.aspx?itemid=1602176656. Ngemininingwane yohlelo nokuthi kwenzekani, landela iDurban Fashion Fair kuzo zonke izinkundla zokuxhumana.