Kukhonye izibalo zemboni yemikhiqizo kuleli sonto
YINTATHELI YOMBELE
NGENKATHI ezimakethe zezimali sekubonakala ukuthi impi yaseMiddle East isidlulile, iphinde yabambana ngezihluthu, okufakazela ukuthi awusoze wabanesiqiniseko ngezinto ezenzeka emhlabeni.
Kuleli sonto izibalo bezingenamnyakazo otheni, ngaphandle kokuqapheleka kokuphuma kwezibalo zomkhiqizo ezibalweni zomnotho. Ngeshwa lezi zibalo zikhombisa ukuthi izinto ngeke zihambe kahle ngale kota yonyaka. Into enkulu kubewukuthi umGcinimafa agodle imali kaJulayi okufanele uyabele omasipala abawu-69.
FUNDA NALAPHA: https://www.umbele.co.za/2026/07/09/asijezisi-omasipala-kodwa-siyabalungisa-umgcinimafa/
Into enkulu eyenzeke ngaleli sonto kubewukuqubuka kwempi yaseMiddle East. Ngemva kwamasonto amaningi kunokuthula, umengameli waseMelika uMnu uDonald Trump uthe isivumelwano sokumisa impi siphelile, okukhombise izimakethe ukuthi asemakhulu amathuba okuthi impi ingaphinde ibheduke.
Kuleli sonto i-Iran idubule imikhumbi engase-Omani eStrait of Hormuz. Loku kwenze ukuthi imikhumbi emine yamafutha ne-gas iyeke ukuzama ukudlula eStrait of Hormuz.
Okuthembisayo wukuthi izolo iMelika ithe loku akusho ukuthi izingxoxo zisaqhubeka phakathi kwala mazwe womabili.
Loku kuhlasela kuphazamise ukuhamba kwemikhumbi eStrait of Hormuz, kwehla kakhulu izolo. Uwoyela ongahluziwe weBrent ubuwu$80 (uR1 304,91) umphongolo, usuka ekubeni wu$71umphongolo ekuqaleni kwesonto.
Ngale kwempi yaseMiddle East, iChina ixegise amatomu kumanani emikhiqizo kaphethroli, okwandise amathuba okutholakala kwemikhiqizo evela khona, kwathi iRussia yamisa ukudayisa imikhiqizo kaphethroli.
Loku kubalulekile ngoba amanani kaphethroli eNingizimu Afrika aya ngokuthi amanani kaphethroli aphesheya ahamba kanjani.
Khonamanjalo, kubenokungavumelani kwamalungu ekomiti eBhange lomBuso laseMelika. Nakuba amalungu ephalamende amaningi abelindele ukuthi ukwehla kwamandla emali kuzobuyela esikalini esilindelekile, kodwa amaningi abekholwa wukuthi imalimboleko ingase inyuke.
Khonamanjalo, i-International Monetary Fund inyuse inyuse isilinganiso sayo ngo-0,3 percentage points ukukhombisa amanani kaphethroli aphezulu.
Isikali somkhiqizo sehlile ngoMeyi, sehla ngo-4.3% uma kuqhathaniswa unyaka nonyaka. Umkhiqizo unyoke ngo- 1,1% uma kuqhathaniswa inyanga nenyanga. – Lolu lwazi luthathwe kwiBureau for Economic Research