Kunabaphathi abasha ezinkampanini zikahulumeni zamabhanoyi
IZINKAMPANI zikahulumeni ezimbili ezisembonini yamabhanoyi sezimemezele izikhulu eziphezulu ezintsha. Zombili zizoqala ngenyanga ezayo. I-Airports Company South Africa (i-Acsa), isikhungo esiphethe izikhumulo zezindiza nenye ingqalasizinda, iqoke uMnu uSiphamandla Mthethwa, kwathi i-Air Traffic & Navigation Services (i-ATNS), elawula imizila yamabhanoyi yamemezela uMnu uMatome Moholola.