Asimile Siyaqhuba: Iminyaka emihlanu yokwakha ubuxhakaxhaka bezokuthutha besimanje nobuphephile
Asimile Siyaqhuba: Iminyaka emihlanu yokwakha ubuxhakaxhaka bezokuthutha besimanje nobuphephile
INTATHELI KAMASIPALA
EMINYAKENI emihlanu edlule, i-eThekwini Transport Authority (i-ETA) yenze umsebenzi onqala ekuguquleni isimo sezokuthutha kuMasipala waseThekwini ngokutshala kwingqalasizinda, izinto ezintsha, izindlela eziphephile nokuhlela ezokuhamba eziphucukile.
Ukuqhakambisa le mpumelelo, kunomkhankaso kamasipala i-Five-Year Service Delivery Milestones ngaphansi kwendikimba ethi “Asimile Siyaqhuba: Resilience Through Adversity”, okusho ukuphokophela ebunzimeni.
Le mpumelelo ye-ETA ikhombisa ukuzinikela kukamasipala ekwakheni ubuxhakaxhaka bezokuthutha obudidiyekile, obusebenzayo nobuphephile obeseka ukusimama komnotho, ukuvuselela idolobha nokuphucula impilo yazo zonke izakhamuzi.
Into emqoka obekugxilwe kuyona wukusebenza kwe-Transit-Oriented Development, ehlose ukudala izindawo edolobheni ezixhumene nokufinyeleleka kuzona kalula emigudwini yezinto zokuhamba zomphakathi.
Indawo okuzohlolwa ngayo eyenziwayo isePinetown ezoshintsha indlela abantu abahlala ngayo, abasebenza ngayo nabahamba ngayo ngokukhuthaza ukusebenzisa amatekisi namabhasi kanyekanye, ukunciphisa amabanga ahanjwayo nokuphucula ukuthola izinto zokuhamba zomphakathi.
Lo msebenzi wenze umasipala wakwazi ukuhlola umsebenzi owenziwe, wakwazi ukufunda kuwona nokuphucula amaqhinga azosetshenziswa kwezinye izindawo zokuthutha eThekwini.
FUNDA NALAPHA: https://www.umbele.co.za/2026/07/02/asimile-siyaqhuba-sekuphele-iminyaka-emihlanu-kwakhiwa-izindawo-zokuhlala-ezinesithunzi/
Ingqalasizinda yokuthutha iyaqhubeka nokubaneqhaza elimqoka ekuvuseleleni inkaba yedolobha. Ukulungisa imigwaqo ethile, izindawo zokuhamba ngezinyawo, ingqalasizinda yezokuthutha yomphakathi nokulawula izimoto kubeneqhaza ekuphuculeni ukutholakala kwezinto zokuhamba, ukuhweba nokudala indawo okuhlalekayo kuyona.
Eminyakeni emihlanu edlule, kwenziwe umsebenzi omkhulu ekwakheni kabusha ingqalasizinda yezokuthutha yomphakathi ukuphucula ukusebenza kwayo, ukuthembeka nokuyisebenzisa.
Lapha kubalwa ukuphucula ukuhlela imizila nomsebenzi wokudidiyela ezokuthtuha okuhambisana ne-Integrated Public Transport Network (i-IPTN) nokufaka amakhamera emabhasini ukuphucula impilo yabagibeli.
Ukusungula i-Public Transport Call Centre kuphucule ukuxhumana phakathi kwabagibeli nomasipala. Izingcingo, uWhatsApp ne-email kwenza izakhamuzi zithole ulwazi ngezinto zokuthutha, okwenzekayo nosizo kumakhasimende okuphucula usizo. Abantu bangashayela ku-087 121 9446 noma bathumele uWhatsApp ku-071 374 1862 noma bathumele i-email ku-Info@godurban.co.za
Ngokwezinhlelo, izingxoxo nezinhlelo sekusezingeni eliphezulu ukuthi umasipala usebenzise izinto zokuthutha ezihamba ngogesi. Lo msebenzi uhambisana nezinhlelo zikamasipala zokonga imvelo ngokunciphisa, ukunciphisa izindleko ngokuqhubeka kwesikhathi nokwenza idolobha ukuthi lisebenzise izindlela zokuthutha ezingayilimazi imvelo.
Ukuguqula uShepstone Road enye impumelelo enkulu eyenzekile kwingqalasizinda. Lo msebenzi uphucule ukuhamba kwezinto zokuhamba, kwaphucula ukuphepha emgwaqweni futhi kwaphucula ukusebenza kwezinto zokuhamba ePhoyinti namaphethelo.
Uhlelo i-Comprehensive Integrated Public Transport Plan 2024–29 liwumkhombandlela ocacile wesigaba esilandelayo sokuguqula isimo sezinto zokuhamba, ukudidiyela izinto nokuhlinzeka izidingo zokuthutha kumasipala.
Ukuphepha kuyaqhubeka nokubaseqhulwini. Ukufaka izibambo namagqunyana ezindaweni ezithile kusize ukunciphisa izingozi kubashayeli nabantu abahamba ngezinyawo, kwadala izindawo eziphephile, ikakhulu ezindaweni eziyingozi kakhulu. Eminyakeni yezimali emibili edlule, umasipala wenze imisebenzi yokunciphisa ijubane emigwaqweni cishe ewu-130 kumawadi ehlukene, kwasetshenziswa imali ecela kuR12 million.
Le misebenzi ihlose ukunciphisa ijubane, ukuphucula ukuvikela abantu abahamba ngezinyawo, ukwandisa ukuphepha ezindaweni ezihlala abantu, izikole nezinye izindawo ezinengozi.
Umasipala uqhubekile ukwenza izindlela zokulawula izimoto zibeyisimanje ngokwenza izindlela zokulawula izimoto ezintsha ukuphucula ukuhamba kwazo. Ukucekela izinto phansi ngenye yezinselelo ezinkulu umasipala obhekene nazo kanti eminyakeni emithathu edlule kukhandwe cishe amarobhothi awu-6 000, okudle umasipala uR40 000.
Lo msebenzi uphucula ukulawula izimoto, unciphisa isiminyaminya, wenze kuhambeke kalula ezimpambanweni zomgwaqo ezimqoka. Lo msebenzi awupheleli kwingqalasizinda kuphela kodwa ufakazela umbono wokwenza uhlelo lezokuthutha oludidiyele, olufaka wonke, oluqinile nolulungele ikusasa.
Njengoba umasipala waseThekwini udlondlobala, ushintsha futhi uthuthuka, ngokwezokuthutha usugxile ekwenzeni izinto ngendlela entsha, ukuphepha, ikusasa nokuletha izisombululo ezihambisana nalezi zidingo.