Asimile Siyaqhuba: Sekuphele iminyaka emihlanu sihlinzeka amanzi asezingeni eliphezulu
YINTATHELI KAMASIPALA
UKUQINISEKISA ukuhlinzeka izakhamuzi namabhizinisi ngamanzi angapheli yinto eseqhulwini kuMasipala waseThekwini. Ngokutshala imali kwingqalasizinda nezinqumo eziphusile zomKhandlu, uPhiko lwaManzi nokuThutha iNdle belusebenza lungaphezi ukuze kuhlale kunamanzi.
Ukuqhakambisa lo msebenzi oshintsha izinto izimpilo zabantu zokuhlinzeka izidingo emphakathini ngesikhathi sokusebenza kukaMasipala waseThekwini somkhankaso weminyaka emihlanu ngo-2021–26 i-Five-Year Service Delivery Milestones ngaphansi kwendikimba ethi “Asimile Siyaqhuba: Resilience Through Adversity”, okusho ukuphokophela ngisho kunzima.
UPhiko lwaManzi luphucule amadamu i-Adams K5 neK6 Reservoirs ngo-2022 ukwandisa indawo yokugcina amanzi ukuze kuhlomule izakhamuzi zase-Adams Mission kuWodi 67 no-96. I-Adams K5 Reservoir linwetshwe kusuka ekubekeni u-6 megalitres (ML) ngokwengeza u-4ML edamini ebelivele likhona. Kuphuculwe i-Adams K6 Reservoir, yandiswa ekubeni wu-2ML yabawu-10 ML.
FUNDA NALAPHA: Ivulwe kabusha iHazelmere Dam ebinetshwa
Ngo-2023 umasipala uvule iShongweni Reservoir wayandisa ekumumatheni amanzi emiphakathi ewahlinzekayo. Leli damu ligcina amanzi awu-6ML.
Kuphuculwe neMkhizwana Water Treatment Works, yanyuswa ekumumatheni amanzi awu-1,5ML aya ku-4ML ngosuku.
Kuqhubeka kahle ukulungisa iNorthern Wastewater Treatment Works, njengoba sekubonakala umehluko ezingeni lokungcola okuphuma khona. Amathimba ezingcweti awubambe kahle umsebenzi, kanti le ndawo yokukhuculula ukungcola isifinyelele ezingeni lokuhambisana nomthetho eliwu-80%.
Uqhubeka kahle umsebenzi wokukhanda nokulungisa Umbilo neKwaNdengezi Wasterwater Treatment Works. Lezi zindawo zingenye kwingqalasizinda yokukhuculula indle ezalimala ngezikhukhula ezinamandla ezalimaza imishini, ugesi nezakhiwo imbala. Kuqhubeka kahle ukufaka amapayipi ezitamkoko eMbilo naKwaNdengezi.
Kuvulwe kabusha iNtuzuma Water Pumpstation ngoDisemba ngonyaka odlule. Kuphuculwe izinto zemishini nezikagesi ukuze isebenze kahle futhi ithembeke. Le siteshi samanzi sesinamaphambu awu-15, okubalwa kuwona nawokucupha uma kuphela ugesi, ubuchwepheshe obusezingeni eliphezulu, indawo yokungena esebenza ngogesi nezinto zokubheka ukuthi kwenzekani umzuzu nomzulu.
UPhiko lwaManzi nokuKhuculula iNdle luphothule umsebenzi omqoka wokulungisa uMdloti Wastewater Pumpstation. Kufakwe amaphampu amabili amasha kulesi siteshi.
Ukubhekana nesidingo esindayo sasenyakatho, umasipala uqale imisebenzi emibili emikhulu yengqalasizinda. Kwakhiwe iNorthern Aqueduct Augmentation Pipeline nodonga lwamanzi oluwu-600mm ukusuka eHazelmere kuya eGrange Reservoir.
Umasipala ulungise iCanelands Pipe nePedestrian Bridge, ukuqinisekisa ukuthi ukuhlinzeka ingqalasizinda akuphazamiseki eVerulam.