Ukwehla kwamandla emali kusabhekwe ngabomvu
YINTATHELI YOMBELE
IZIBALO zamandla okwehla kwemali zangenyanga edlule zizobhekwa ngamehlo abomvu kuleli sonto. Kulindeleke ukuthi i-consumer price index inyuke ngamandla isuka ku-4,0% uma kuqhathaniswa unyaka nonyaka ngo-Ephreli iya ku-5,2% ngoMeyi ngenxa yokunyuka kwamanani kwaphethroli osekuqala ukuzwela emnothweni.
Nakuba amanani ezoqala akhushulwe ngamanani ezinto zokuhamba, abantu abashaya umthetho bazobhekisisa izimpawu zomphumela wamanani kaphethroli aphezulu ekwehleni kwamandla emali.
Amanani ezimpahla ezidayisa ezitolo ango-Ephreli azokhombisa ukuthi ngabe abathengi bayishintshile yini indlela abathenga ngayo ngemva kokunyuka kwamanani kaphethroli.
Phesheya kuzobhekwa amabhange ombuso. EMelika ngoLwesithathu kuzobhekwa ngabomvu izibalo zezimpahla ezidayisayo nesinqumo seFederal Reserve ngemalimboleko. Nakuba leli bhange lombuso kulindelwe ukuthi lingayinyusi imalimboleko kodwa izimakethe zizobhekisa ukuthi lithini ngokuqinisa izifociya uma ukwehla kwamandla emali kuqhubeka.
FUNDA NALAPHA: YINI I-CONSUMER PRICE INDEX?
Khonamanjalo, izibalo zomkhiqizo, ezokuthenga nezemisebenzi zikhombisa ukuthi kwenzekana ngokukhula komnotho emhlabeni jikelele.
Izinkomba zaseYurophu kusasa zizobhekwa ukuthi ngabe isimo sesiqala ukuzinza yini. Ucwaningo oludle lwakhombisa ukwehla kwethemba ngenxa yokunyuka kwamanani kwaphethroli nokungaqondakali kwesimo sepolitiki phakathi kwamazwe.
Njengoba izimakethe zinethemba lokuthi kuzobanesivumelwano phakathi kweMelika ne-Iran, izibalo zangoJuni zizokhombisa ukuthi liyabuya yini ithemba ngezimakethe zezimali.
Umnotho waseNingizimu Afrika ukhule okwesithupha amakota elandelana, wakhula ngo-0,5% obekungalindelekile ngekota yokuqala. Isikalo somkhiqizo wezwe ngonyaka sikhule ngo-2,1%, ngemva kokunyuka ngo-0,4% ngekota yesine ngonyaka odlule.
Ngasohlangothini lokuthenga, ukuthenga kwamakhasimende kwehle kakhulu uma kubhekwa indlela abantu abathenga ngayo (okwabawu-64% wesikali somkhiqizo womnotho) ukukhula ngo-0.1% percentage points, okubephansi kunakho konke kusukela ngekota yokuqala yango-2024, nakuba izinga lonyaka eliwu-3,4% lisondele ku-3,5% owawubikezelwe.
Izinto ezikhulise umnotho ziqhamuke ngaphandle kakhulu kunangaphakathi, njengoba izimpahla ezidayiswe kwamanye amazwe zinyuke ngo-0,5% uma kuqhathaniswa ikota nekota, kwathi izinto ezithengwe phesheya zehlanga ngo-2,6%. – Le mininingwane itholakale kwiBureau for Economic Research