I-Financial Sector Conduct Authority ixwayisa abathengi ngokuqolwa yizinkampani ezingagunyaziwe. Isithombe: yiPixabay

AM Wrap Izindaba

Gadani iDurban Forex Group neFXMG MT4 Traders – isexwayiso

July 26, 2024

YINTATHELI YOMBELE

I-FINANCIAL Sector Conduct Authority (iFSCA) isixwayise umphakathi ngezinkampani ezimbili ethi azigunyaziwe ukuhlinzeka ngosizo lwemali.

Eyokuqala yiDurban Forex Group okuthiwa kubonakala sengathi ihlinzeka umphakathi ngosizo lwemali kungafanele. I-FSCA ithe izamile ukuxhumana nale nkampani kodwa ayikaphenduli.

Eyesibili yiFXMG MT4 Traders okuvele ukuthi kwi-website yayo izenza abantu abasebenzisana nenkampani egunyaziwe ukuhlinzeka ngosizo lwemali iFXGM South Africa (Pty) Ltd, ehweba ngegama elithi FXMG ZA (FSP No. 50202). Kuthiwa yenza lokhu ngokusebenzisa inombolo yelayisensi nophawu lweFXMG ZA kanti namakhasi abo ezinkundleni zokuxhumana acishe afane nendlela okubukeka ngayo i-wesbite yeFXMG ZA.

I-FSCA ithi iFXMG ZA isiqinisekisile ukuthi ayihlanganise lutho futhi ayinabudlelwano neFXMG MT4 Traders.

Inkampani esolwayo ibingakayiphenduli imibuzo yeFSCA.

Lolu lwazi lucashunwe kwiFSCA

Izindaba

Ikhomishini ichithe iVodacom ngeMaziv

KUQOKWE uMnu u-Ebrahim Essop ukuthi abe yiphini le-Pension Funds Adjudicator.

ENYE yezinhlangano eziklelisa indlela amazwe abukwa ngayo uma efuna ukuboleka imali, iFitch ithe ngeke iyiguqule indlela eklelise iNingizimu Afrika ngayo yize kodwa ithe ilindele ukuthi ungakhuli nhlobo umnotho wezwe.

NGOLWESINE iBhange loMbuso lizomemezela isinqumo esisha ngemalimboleko kanti osomnotho abaningi babheke ukuthi izonyuswa okokugcina kuleli sonto njengoba sekulindelwe ukuthi iqale yehle emhlanganweni olandelayo.

INKANTOLO isichithile isicelo seSakeliga ebifuna ukuphoqa umcwaningimabhuku-jikelele ukuthi adedele imininingwane yamabhuku omasipala abawu-154 ebizwa ngama-management report.

I-Shoprite iqinise ibhodi yayo ngoMaseko noMathebula. INTATHELI YOMBELE iyabika

I-Allan Gray yandise amasheya ayo kwaSpar, isinamasheya awu-10.42% esuka ku-3.55%.

IBHANGE loMbuso limemezele izolo ukuthi linyuse imalimboleko ngo-50 basis points yafinyelela ku-8.25%. Imali amabhange asezoyikhokhisa abathengi uma ewaboleka imali isiwu-11.75%.

IBHANGE loMbuso linyuse imalimboleko ngo-50 basis points, yafinyelela ku-7.75% kusukela namhlanje. Leli bhange lithe lokhu kungenxa yokunyuka kokwehla kwamandla emali okuqongile ngoFebhuwari njengoba kufinyelele ku-7.0%. Ithe nezinye izimo ezimise kabi umnotho zisaqhubeka.

ISIKHWAMA sempesheni sezisebenzi zikahulumeni iGovernment Employees Pension Fund sizonyusa impesheni ngo-5.55% kusukela ngenyanga ezayo. Ngokomthetho kufanele le mali inyuke okungenani ngo-75% wenani lamandla emali ngonyaka odlule, obekungu-7.40% ngo-2022.

Ezinye zezinkampani ezichicilele imibiko yezimali yiStandard Bank neSanlam.

UMNOTHO weNingizimu Afrika wehle ngo-1.3% ngekota yesine yango-2022. Izimboni ezibe nesandla kakhulu kuloku ezemali, ezokuhweba, izimayini, ezolimo, ezokukhiqiza nemisebenzi kahulumeni.

IBHANGE loMbuso liqhubekile nokunyusa imalimboleko. Izolo limemezele ukuthi izonyuka ngo-25 basis points ibe wu-7.25% kusukela namhlanje. Leli bhange lithe izinto ezithwalisa umnotho kanzima zisaqhubeka. Lithe selilindele ukuthi umnotho ukhule ngo-1.6% kulo nyaka, esikhundleni sika-1.9%.

USULILE esikhundleni sokuba yisikhulu sokugcina imithetho, phecelezi i-company secretary, eDiscovery uNks uNomalanga Nobuhle Mbongo. Uzogcina kulesi sikhundla ekupheleni kwangoMashi.

USOLWAZI uTshilidzi Marwala usulile ebhodini labaqondisi laseNedbank njengoba esezoba wumphathi weNyuvesi yeNhlangano yeZizwe. Uzogcina kuleli bhodi ekupheleni kukaFebhuwari.

Gadani iDurban Forex Group neFXMG MT4 Traders – isexwayiso

Leave a Reply Cancel reply

YINI I-MARKET RESEARCH?

YINI I-CURRENCY SYSTEM?

YINI I-BARTERING SYSTEM?

YINI I-MEDIUM OF EXCHANGE?

YINI I-COMMERCIAL BANK?

Podcasts

Inqolobane

About us

Declaration

Sithinte

We are social