Isikali somthamo womnotho sekota yesine sizokhula kancane – izibalo
YINTATHELI YOMBELE
KULELI sonto izibalo ezibalulekile zezinkomba zomnotho kuzobangezokushicilelwa kwesikali somthamo womnotho wezwe zekota yesine, ezizophuma kusasa.
Isikhungo esenza ucwaningo lwezomnotho iBureau for Economic Research silindele ukuthi umnotho uzokhula ukusuka ku- 0.5% wangekota yesithathu uma kuqhathaniswa ikota nekota. Silindele ukuthi umnotho ukhule ngo-0.3%, nakuba umnyakazo omusha ukhomba ingozi yokwehla.
FUNDA NALAPHA: https://www.umbele.co.za/2026/03/02/zimbili-izinto-ngomnotho-ezibhekwe-ngabomvu-kuleli-sonto/
Lesi sikhungo silindele ukuthi i-current account, ukuphuma nokungena kwemali ezweni okukhombisa isimo somnotho walo, inyuke kancane njengoba uhwebo luqhubeka kahle. Ukunyuka kwamanani kawoyela okuqhubekayo kuzoletha ubunzima ngesigaba sokuqala salo nyaka.
Izibalo zokumbiwayo nokukhiqizwayo zangoJanuwari zizoveza izibalo ezithembekile zalo nyaka. Yomibil le mikhakha ayihwebanga kahle ngekota yesine kanti ukusimama komkhiqizo wenyanga kungayisiqalo esihle sonyaka.
Ngemva kokusimama ekuqaleni konyaka, i-Absa purchasing managers index (i-PMI) yehle isuka ku-48.7 yehlela ku-47.4 ngenyanga edlule. Lilonke izinto ezenza i-PMI bezifana nangoJanuwari.
Ngeshwa inkomba yokusebenza kwamabhizinisi i-business activity index ikhombise ukwehla endleleni izinto ezaziyiyona ngoJanuwari; inkomba yehle ngo-5.7 points yawu-45.7.
Izindaba ezimnandi zithi kulindeleke ukuthi isimo somnotho sisimame ezinyangeni eziyisithupha ezizayo ngenxa yokuphucula kwezinto ekukhiqizeni. Ngale komkhiqizo, eminye imikhakha yomnotho isimeme ngezinyanga ezimbili zokuqala zonyaka. I-S&P Global PMI, ebheka imikhakha eminingi yomnotho ayishintshanga yawu-50 ngoFebhuwari.
I-RMB/BER business confidence, isikali sethemba losomabhizinisi ngesimo somnotho esenziwa ngocwaningo, siqale kahle sinyuka ngamaphuzu amathathu saya ku-47 ngekota yokuqala yonyaka.
Ngokusho kweNaamsa, ngemva kokunyuka konyaka ngo-7.5% ngoJanuwari ukudayisa izimoto ezintsha ezweni kunyuke ngo-11.4% uma kuqhathaniswa unyaka nonyaka ngenyaka edlule.
Ngakolunye uhlangothi ukudayisa izimoto ezintsha phesheya kwehlile. Kwehle kakhulu ngenyanga edlule, kwehla ngo-28.1% uma kuqhathaniswa unyaka nonyaka, okuyinkomba yemigomo yamazwe aphesheya okuvikela izimpahla zangaphandle.
Ngokusho kwe-Statistics South Africa, ukwehla kwamandla emali yezimpahla ezikhiqizwayo kubewu-2.2% ngoJanuwari, kwehla kusuka ku-2.9% wezinyanga ezintathu ezidlule. Nakuba kwehlile kodwa likhona ithemba. Izimpahla zomkhiqizo wesikhashana zinyuke ngo-10.5% uma kuqhathaniswa unyaka nonyaka, okubangwe yizinsimbi eziyisisekelo nezenziwe, okube-25.5% uma kuqhathaniswa unyaka nonyaka. – Lolu lwazi lucashunwe kwiBureau for Economic Research