Umkhuhlane wezimoto usukhonjwa kumaJeep Wrangler namaChrysler 330C

YINTATHELI YOMBELE 

IKHOMISHINI yamalungelo abathengi iNational Consumer Commission (iNCC) ithi isibikelwe ukuthi kunamaJeep Wrangler namaChrysler 300C okufanele abuyiselwe emagaraji. 

Esitatimendeni esithunyelwe abezindaba, iNCC ithe iStellantis South Africa, engamele lezi zimoto ezingenhla, iyazise ukuthi ama-airbags akhiqizwa yiTakata alezi zimoto anenkinga. Izimoto ezibalwe ngenhla zazidayise kuleli zwe naseNambisa naseBotswana. 

Ithe ama-airbag amaJeep namaChrysler 300C adayiswe kusukela ngo-2009 kuya ngo-2013 kungenzeka ukuthi aqhume uma imoto igijima bese kuphuma izicucu zezinsimbi ezingalimaza kanzima abagibeli bafe nokufa.

FUNDA NALAPHA: https://www.umbele.co.za/2025/08/25/kunxuswa-abashayeli-ukuthi-babuyise-izimoto-ezinobuhixihixi/

I-NCC icele abanikazi bezimoto ezithintekayo ukuthi baziphuthumise emagaraji aseduze nabo ukuze zizohlolwa ukuthi azinayo yini inkinga. Uma zinenkinga zizolungiswa mahhala. 

Okwamanje iNCC ithe ikuqaphe ngeso lokhozi ukubuyiselwa kwezimoto emagaraji ngoba inhloso yayo enkulu wukuvikela abathengi.