UMasipala waseThekwini uheha abahleli bemicimbi ukusimamisa umnotho

YINTATHELI KAMASIPALA 

UKUQINISEKISA ukuthi uMasipala waseThekwini uyaqhubeka nokuheha izivakashi, uzosebenzisana nabahleli bemicimbi ehlukene ukuwukhangisa. 

Embikweni othulwe emhlanganweni wesigungu sikamasipala usomlomo womkhandlu uMnu uThabani Nyawose uthe bazosayina izivumelwano nabahleli bemicimbi ehlukene ngenhloso yokukhangisa umasipala emicimbini yabo.

Uthe loku kuhambisana nezinhlelo zabo zokusimamisa umnotho nokudala amathuba emisebenzi. 

Njengoba idolobha laseThekwini livamise ukubanemicimbi ehlukene, uthe bazosayina izivumelwano nabahleli bemicimbi ukuze lizokhangiswa njengendawo efanele ukuvakashelwa ngabantu nokufanele kwenzelwe imicimbi kuyona.

FUNDA NALAPHA: https://www.umbele.co.za/2025/05/23/i-africas-travel-indaba-ingenise-ur547-million-ethekwini/

Imali ezodingeka ukwenza lezi zivumelwano wuR10 million ozosebenza ngonyaka wezimali wango-2025/26. 

Khonamanjalo, umasipala uthe umkhandlu uphasise ukuthi iClairwood ibeyisizinda sezokuthutha.  Loku kusho ukuthi ezinhlelweni zangomuso zendawo isizothathwa njengesizinda zokuthutha esibalulekile esiseningizimu yaseThekwini. 

I-Clairwood yindawo endala enemizi yabantu, imigwaqo emincane nezimboni eziningi.

UNyawose uthe uma iClairwood izobayisizinda sokuthutha kuzodingeka ukuthi ihlelwe kabusha ukuze ifanele umsebenzi wayo omusha.