Kunxuswa amakhasimende ukuthi abhalise kwi-eServices
YINTATHELI KAMASIPALA
AMAKHASIMENDE angaphezu kwawu-560 000 asebhalisile enkundleni kaMasipala waseThekwini ebizwa nge-eServices, indlela yobuchwepheshe elula yokukhokha.
Inhloso yale nkundla yobuchwepheshe wukuhlinzeka ngezinsiza ezi-online zokuphatha imali engenayo futhi seziqalile nezinhlelo zokusuka ohlelweni lokuthumela izincwadi zezikweletu ngeposi ukuze loku kwenziwe online. Amakhasimende akhuthazwa ukubhalisa kule nkundla ukuze angasali.
Kule nkundla i-eServices amakhasimende angakwazi ukubheka izikweletu zawo, afake imininingwane yokufunda amamitha amanzi nakagesi, abuze nemibuzo ngezikweletu zawo, afake isicelo sokuthi imali idonswe ebhange, avuselele imininingwane yawo futhi akhokhe nezikweletu zawo.
FUNDA NALAPHA: https://www.umbele.co.za/2025/06/13/umasipala-usondela-kubantu-ukubasiza-ngezinhlelo-ezihlukene/
Iphini lomqondisi womNyango owengamele izimali i-Revenue Management uMnu uBanele Bavu lithi: “Le nkundla yakhelwa ukuqinisekisa ukuthi umsebenzi wenzeka kalula nokuthi amakhasimende akwazi ukuthola usizo ngaphandle kokuya emahhovisi kamasipala.
“Futhi iqinisekisa ukusebenza ngendlela esobala njengoba amakhasimende ekwazi ukuzibonela izikweletu ezintsha aziqhathanise nokuthi asebenzise amanzi noma ugesi ongakanani bese ekhokha online.”
Ukubhalisa, vakashela ku: https://eservices.durban.gov.za/v2/, ufake imininingwane yakho, ikhophi timazisi, inombolo ye-akhawunti, nencwadi yokugunyaza uma i-akhawunti kungeyona eyakho. Ungathumela ne-email enenombolo ye- akhawunti nemininingwane yakho yokuxhumana ku- revlineresponse@durban.gov.za