I-Rivertown kaR3.8 million izovulwa maduze 

WU-SOHANA SINGH

UMSEBENZI wokulungisa iRivertown eseThekwini usubheke emaphethelweni, isinyathelo esibalulekile ohlelweni lukaMasipala waseThekwini lokuheha abatshalimali edolobheni ngohlelo i-Inner City Regeneration Strategy. 

Ukuthuthukisa iRivertown kuguqule le ndawo yezimboni ebikade

inganakiwe yabayindawo enoshintsho, elungele ukutshala imali.

I-Rivertown, esendaweni enhle ephakathi kolwandle neNkosi Albert

Luthuli International Convention Centre, isilungele ukumukela izivakashi zakwamanye amazwe nezakhamuzi zaseThekwini nezaseNingizimu Afrika. 

Ukulungisa le ndawo yomphakathi kudle uR3.8 million, obekuholwa wumNyango wama-Catalytic Projects ne-Architecture kamasipala, kuyenze yabukeka kabusha nezakhiwo zayo kwangezohlobo oluphambili, ingqalasizinda isingcono futhi izobanesikompilo elisha.

Umphathi wezinhlelo emNyangweni wama-Catalytic Projects uMnu uKamalen Gounden uthe umsebenzi wokulungisa le ndawo ungelinye lamasu okuvuselela iTheku.

Emisebenzini ebalulekile eyenziwe kukhona isakhiwo esikhangayo samatshe esingamamitha ayisithupha ekhoneni likaBram Fischer Street noFlorence Nzama Street, esimele umzila wamanzi onomlando iMilner Drain.

Kutshalwe izihlahla ezingaphezulu kweziwu-190 ukuhlobisa umgwaqo, zilethe umthunzi zenze kubelula ukuhamba ngezinyawo. Kukhona nemidwebo yobuciko, okubalwa kuyona lowo ohlonipha iRivertown Beerhall.