‘Zikhandle, usebenzise imali kahle’

Kuleli sonto kuSAZIWAYO NEMALI sixoxa no-Andile Zindela owaziwa ngelikaRoyal Son, uwumculi we-Afro jazz nosomabhizinisi. Udume ngengoma ethi Ngimtholile

WUTHOBILE ZWANE

Usemncane wawuphiwa yini imali?

 Ngenhlanhla ngasheshe ngafunda ukuthi imali iyasetshenzelwa. Ebuncaneni bami ngangiyiphiwa (imali) uma ngenze okuthile. Loko kwangifundisa lukhulu empilweni.

 Waqala nini ukuba ne-akhawunti yasebhange futhi wawuyivula kuphi?

I-akhawunti yami yokuqala yasebhange ngayivula ngo-2014 e-Capitec.

Ekukhuleni kwakho yini oyikhumbulayo nowayifunda ngemali?

Wukuthi imali iyisixazulo sezinto eziningi. Ngifunde ukuthi kubalulekile ukubanezindlela ezihlukene zokonga nezokutshala imali ukuze wenze inzuzo.

FUNDA LAPHA: https://www.umbele.co.za/2023/10/27/kuleli-sonto-kusaziwayo-nemali-sixoxa-nozethu-ze2-nhlangulela-umculi-we-afro-pop-nama-piano-udume-ngengoma-ethi-okokugcina-ayicula-no-oskido-uyoung-stunna-nox-wise-useke-wasebenz/

Wawenzani umholo wakho wokuqala?

Ngawunika abazali.

Yini into enhle ongathi usuke wayenza ngemali?

Wukuqala ibhizinisi nokuqopha umculo wami.

Yiliphi iphutha elithinta imali osuke walenza? 

Wukuthemba lezi zinto ezikhulisa imali ngokushesha. Ngangena ebhanoyini, landiza nemali yami.

Wake walutheka mhlawumbe ngokudlala ibhanoyi?

Yebo.

Yisiphi iseluleko esihle owasithola ngemali?

Wukuthi ngiqale ibhizinisi.

Uma ungawina uR1 million kwiLotto ungawusebenzisa kanjani?

Ngingaqinisekisa ukuthi ngithenga amasheya. Emva kwaloko nginezezele zonke izinto ezidingeka ebhizinisini. 

Ungabeluleka uthini abanye abasemkhakheni wakho ngokuphatha imali?

Ngokuthi abasebenze kanzima, bahloniphe umhlaba, imali bayibenzise ngendlela efanele.